თბილისის მერიამ პარასპორტსმენებისთვის სამი ადაპტირებული მიკროავტობუსი შეიძინა

თბილისის მერმა კახა კალაძემ დედაქალაქის მთავრობის სხდომაზე პარასპორტის განვითარების შესახებ ისაუბრა და აღნიშნა, რომ მათ მიერ შექმნილი პარასპორტის ცენტრის საქმიანობა დღემდე წარმატებით მიმდინარეობს.

„იცით, რომ ჩვენ დედაქალაქში ძალიან კარგი პროექტი გავაკეთეთ, პარასპორტის განვითარების ცენტრი შევქმენით და მისი დაარსებიდან დღემდე წარმატებით მიმდინარეობს ამ ცენტრის საქმიანობა. ამ ცენტრის გახსნამ ხელი შეუწყო პარასპორტსმენების წარმატებებს როგორც ადგილობრივ, ასევე მსოფლიო დონეზე. ამის ძალიან ბევრი მაგალითი გვაქვს. რა თქმა უნდა, ეს ძალიან სასიხარულოა. ჩვენ გამოვყავით დაახლოებით 410 000 ლარი იმისთვის, რომ გარკვეული ხელშეწყობა ყოფილიყო ჩვენი მხრიდან სპორტსმენების მიმართ და შევისყიდეთ 3 ადაპტირებული მიკროავტობუსი, რომლითაც ისინი გადაადგილებას შეძლებენ ყოველდღიურ რეჟიმში“, . - განაცხადა თბილისის მერმა.

ამასთან, მან დედაქალაქის მთავრობის სხდომაზე მიკროავტობუსების სურათები წარადგინა და განმარტა, რომ პარასპორტის ცენტრს 7 ასეთი ტრანსპორტი ემსახურება. ასევე, კახა კალაძის განმარტებით, ძალიან მნიშვნელოვანია ხელშეწყობა პარასპორტსმენებისთვის, რომლებსაც თავიანთი შრომითა და საქმიანობით ქვეყნისთვის წარმატებები მოაქვთ.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)