„ბრექსითის“ შეთანხმების მიღწევა თანდათან უფრო რთული ხდება. ამის შესახებ „ბრექსითის“ მოლაპარაკებებში ევროკავშირის წარმომადგენელმა მიშელ ბარნიემ განაცხადა.
მისივე თქმით, მიუხედავად შექმნილი ვითარებისა, შეთანხმების მიღწევა კვლავ შესაძლებელია.
„ნათელია, რომ ნებისმიერმა შეთანხმებამ, რომელსაც მივაღწევთ, უნდა იმუშავოს ყველასთვის - მთელი დიდი ბრიტანეთისა და ევროკავშირისთვის“,- განაცხადა ბარნიემ.
ფინეთის ევროკავშირის მინისტრმა კი განაცხადა, რომ ბლოკის ლიდერებმა „ბრექსითის“ გადავადების შესახებ უნდა იმსჯელონ. „როიტერსის“ ცნობით, ევროკავშირი ახალ საგანგებო სამიტს გამართავს „ბრექსითის“ შეთანხმების შესახებ.
შეგახსენებთ, ბრიტანეთმა ევროკავშირი 31 ოქტომბერს უნდა დატოვოს.