ნუკრი ქანთარია გიგა ბოკერიას - ამ ვითომ მიმტევებლური განცხადებით, ეშმაკთანაც იფუჭებ საქმეს - გიგა, ბიძი, ფრთხილად იყავი

გიგა, ამ ვითომ მიმტევებლური განცხადებით, ეშმაკთანაც იფუჭებ უკვე საქმეს, ანეკდოტისა არ იყოს. იმ პარტიას და პოლიტიკურ ჯგუფს მართლა რა ვუთხარი, თქვენი მისატევებელი რომ გახდება, - ასე მიმართა საპარლამენტო უმრავლესობის წევრმა ნუკრი ქანთარაიამ „ევროპული საქართველოს“ ერთ-ერთ ლიდერს, გიგა ბოკერიას.

როგორც ნუკრი ქანთარიამ პლენალურ სხდომაზე განაცხადა, მან „სასიქადულო დეპუტატის“, გიგა ბოკერიას განცხადება მოისმინა მიტევებასთან დაკავშირებით, რაც „მართლაც დიდი ამბავია“.

„სიმართლე რომ გითხრათ, გულზე მომეშვა და მინდა, რომ „ოცნების“ წევრებსაც მივულოცო ეს სასიხარულო ამბავი, რომ თურმე ბატონი ბოკერია მოდის ხელისუფლებაში და არ დაგვიჭერს, მეგობრებო. მაგრამ, იმიტომ კი არ დაგვიჭერს, რომ დანაშაული არ გვაქვს ან ვეცოდებით, პოლიტიკურად ეს თურმე ძალიან სწორი იქნება. რაც მთავარია, ბიძინა ივანიშვილსაც არ დაიჭერს არავითარი დანაშაულის გამო, არადა მთავარი დანაშაული ჩვენი, ვფიქრობ ის არის, რომ თქვენ და თქვენისთანები გიგა, დასრიალებთ ისევ პოლიტიკურ ველზე.

მე არა ვარ, რა თქმა უნდა, დარწმუნებული და არ ვიცი, სიგარეტი გეჭირათ თუ არა, მაგრამ იმდენად სპეციფიური ხმა გაქვს, რომ ძალიან მეეჭვება, ვერ ამოეცნეთ ცხონებულ სულხან მოლაშვილს. ირაკლი ბათიაშვილიც არ ცდება, რომელმაც სხვათა შორის სტრასბურგი მოიგო და როდესაც ამბობს, რომ მისი უსამართლო დაჭერის ერთ-ერთი მთავარი მოთავე იყავით თქვენ. ასე რომ, ეს თითქოს მშვიდობის მტრედობა და სტაბილურობის გარანტი ვერ გახდებით და ამას ვერც მოსახლეობას ვერ დააჯერებთ, იმიტომ, რომ ის კბილები დიდი ხანია მოიცვალა ჩვენმა მოსახლეობამ. მეორეც, გიგა, აი, ამ ვითომ მიმტევებლური რაღაც განცხადებით, ეშმაკთანაც იფუჭებ უკვე საქმეს, ანეკდოტისა არ იყოს. ამიტომ, ვფიქრობ, იმ პარტიას და იმ პოლიტიკურ ჯგუფს მართლა ჩემდათავად რა ვუთხარი, თქვენი მისატევებელი რომ გახდება“, - განაცხადა ნუკრი ქანთარიამ.

ამასთან, მან მსგავსი განცხადებების გაკეთების დროს გიგა ბოკერიას სიფრთხილისკენ მოუწოდა.

„გიგა, ბიძი, ფრთხილად იყავი ასეთი განცხადებების დროს“, - აღნიშნა ნუკრი ქანთარიამ.

იხილეთ ვიდეო

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს