სოფლად მცხოვრები ქალების საერთაშორისო დღეს, ფერმერთა ასოციაცია და გაერო-ს ქალთა ორგანიზაცია აგროტურიზმში საკანონმდებლო ინიციატივის შესახებ კონსულტაციებს მართავენ

სოფლად მცხოვრები ქალების საერთაშორისო დღეს, საქართველოს ფერმერთა ასოციაცია და გაერო-ს ქალთა ორგანიზაცია აგროტურიზმში საკანონმდებლო ინიციატივის შესახებ კონსულტაციებს მართავენ.

ღონისძიებას, ორგანიზატორებთან ერთად, საქართველოს პარლამენტის აგრარულ საკითხთა კომიტეტის თავმჯდომარე ოთარ დანელია, სოფლის მეურნეობის მინისტრის მოადგილე გელა ხანიშვილი, ეკონომიკისა და მდგრადი განვითარების მინისტრის პირველმა მოადგილემ ეკატერინე მიქაბაძე, საქართველოს ეკონომიკისა და მდგრადი განვითარების სამინისტროს საჯარო სამართლის იურიდიული პირების — „აწარმოე საქართველოში“ და ტურიზმის ეროვნული ადმინისტრაციის წარმომადგენლები ესწრებიან. შეხვედრაზე ასევე მოწვეულები არიან აგროტურიზმში ჩართული, სოფლად მცხოვრები მეწარმე ქალები.

ღონისძიების ფარგლებში მონაწილეები აგროტურიზმის სფეროში არსებულ გამოწვევებზეც მსჯელობენ.

ფერმერთა ასოციაციის თავმჯდომარის, ნინო ზამბახიძის განმარტებით, აგროტურიზმი საქართველოში კანონმდებლობით არ რეგულირდება. ახალი საკანონმდებლობო ინიციატივა კი მიზნად ისახავს რეგიონებში ტურიზმის განვითარებას, ადგილობრივი წარმოების სოფლის მეურნეობის პროდუქტების რეალიზების წახალისებას, ქვეყნის აგროტურიზმის პოტენციალის პოპულარიზაციას, მცირე და საშუალო საოჯახო სასტუმროების განვითარებასა და ამ სფეროში დასაქმებული მეწარმეებისთვის ფინანსებზე ხელმისაწვდომობის გაზრდას. ამას გარდა, მისი თქმით, საკანონმდებლო რეგულაციები სხვადასხვა უწყების კოორდინირებულ თანამშრომლობასაც შეუწყობს ხელს.

„რამდენიმე ინიციატივით შემოვდივართ. პირველი არის ის, რომ იყოს საშეღავათო პერიოდები დასაქმებული ადამიანებისთვის, ვიდრე ისინი ბიზნესს არ გამართავენ. ასევე იყოს ენერგორესურსებზე ხელმისაწვდომობა და ამ შემთხვევაშიც დაწესდეს შეღავათი. მნიშვნელოვანია ის, რომ აგროტურიზმის განვითარება მხოლოდ ტურიზმს არ უწყობს ხელს, ეს ხელს უწყობს სოფლის მეურნეობის პროდუქტების განვითარებას. მნიშვნელოვანია, კონკრეტულ სოფელში სხვა მეწარმეები ჩაერთონ და დაიწყონ სოფლის მეურნეობის პროდუქტის წარმოება და შემდგომ მომარაგება. ეს უწყვეტი საწარმოო ჯაჭვის შექმნის პრეცედენტია და ვფიქრობთ, რომ აღნიშნული ინიციატივა ხელს შეუწყობს უფრო მეტად ტურიზმის წარმოჩენას.

ასევე, მეწარმეებს არ აქვთ ინფორმაცია, რას უნდა აკმაყოფილებდეს და საერთოდ რა არის აგროტურიზმი. ჩვენ გვინდა, რომ მათაც ეს ინსტრუქტაჟი მივცეთ. ვასწავლოთ, რას უნდა აკმაყოფილებდნენ, როგორც სურსათის უვნებლობის, ასევე სანიტარულ-ჰიგიენური ნორმების კუთხით", - განაცხადა ფერმერთა ასოციაციის თავმჯდომარემ ნინო ზამბახიძემ.

საკითხის თაობაზე და ამ კუთხით არსებულ გამოწვევებზე ისაუბრა გაეროს ქალთა ორგანიზაციის წარმომადგენელმა საქართველოში, ერიკა კვაპილოვამაც. როგორც მან აღნიშნა, სერიოზულ პრობლემებს შორისაა დაფინანსების ინსტრუმენტებთან, ინფორმაციასთან ხელმისაწვდომობა. ამასთან, მისი შეფასებით, საქართველოს აქვს პოტენციალი, რომ ბევრი საერთაშორისო ტურისტი მოიზიდოს.

„საქართველოში აგროტურიზმის სფეროში ძირითადად ქალები არიან დასაქმებულები. მათი ნაწილი ჩართულია გაეროს ქალთა ორგანიზაციის პროექტში „ერთობლივი ძალისხმევა ქალთა ეკონომიკური გაძლიერებისთვის საქართველოში“, რომელიც ფერმერთა ასოციაციასთან პარტნიორობით ხორციელდება. საკანონმდებლო ინიციატივის საჭიროებაც სწორედ ამ პროექტის მონაწილე ქალებთან მუშაობის შედეგად გამოიკვეთა.

პროექტი „ერთობლივი ძალისხმევა ქალთა ეკონომიკური გაძლიერებისთვის საქართველოში“ ნორვეგიის საგარეო საქმეთა სამინისტროს დაფინანსებით ხორციელდება“, - აცხადებენ ფერმერთა ასოციაციაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო