ხვალ გახდება ცნობილი, დარჩებიან თუ არა პატიმრობაში  ბათუმის ყოფილი მერი გიორგი ერმაკოვი და ორი მაღალჩინოსანი

ხვალ გახდება ცნობილი, დარჩებიან თუ არა პატიმრობაში ბათუმის ყოფილი მერი გიორგი ერმაკოვი და ორი მაღალჩინოსანი, არჩილ ვანაძე და გოგა ლომაძე. გადაწყვეტილებას ბათუმის საქალაქო სასამართლოს მოსამართლე დავით მამისეიშვილი ხვალ, 11:30 საათზე გამოაცხადებს.

როგორც ადვოკატები აცხადებენ, გადაწყვეტილება სასამართლოს დღეს უნდა გამოეცხადებია, თუმცა დღევანდელ პროცესზე მხარეებმა ის შუამდგომლობა განიხილეს, რომლის მიხედვითაც დაცვის მხარე ბრალდებულების გათავისუფლებას გირაოს სანაცვლოდ მოითხოვს.

ადვოკატები აცხადებენ, რომ მათ ბათუმის მერიასთან შეთანხმებას მიაღწიეს, რომლის მიხედვითაც გამამტყუნებელი განაჩენის შემთხვევაში ბრალდებულები ბიუჯეტისთვის მიყენებულ ზარალს აანაზღაურებენ.

„ჩემი ღრმა რწმენით, მოსამართლე ცდილობს, მაქსიმალურდ გაერკვეს განსხვავებით ჩვენი მოწინააღმდეგე მხარისგან, რომელმაც შუამდგომლობის განხილვისას სრული არაკომპეტენტურობა გამოავლინა. მოსამართლე ცდილობს, რომ მისი გადაწყვეტილება იყოს სამართლებრივად დასაბუთებული. პროკურორმა საჯაროდ განაცხადა, რომ თითქოს ბრალდებულები და ადვოკატები უკანონო გარიგებაში შევიდნენ ქალაქის მოქმედ მერთან. ანუ ამით გამოძიება ამბობს, რომ ქალაქის მოქმედმა მერმა ლაშა კომახიძემ ჩაიდინა დანაშაული“, - განაცხადა ერმაკოვის ადვოკატმა ლევან მახარაშვილმა.

თავის მხრივ, პროკურორი რამაზ შავაძე ამბობს, რომ ბრალდებულების გათავისუფლების შემთხვევაში მოწმეებზე ზეწოლის საფრთხე არსებობს. პროკურორის თქმით, ბრალდება მძიმეა და საქმეზე გამოძიება გრძელდება.

შეგახსენებთ, რომ პროკურატურამ ბათუმის მერიის 7 მაღალჩინოსანი ბიუჯეტიდან თანხის მითვისების და სამსახურებრივი უფლებამოსილების ბოროტად გამოყენების ბრალდებით 5 თვის წინ დააკავა. მათ შორის 4 მაღალჩინოსანი გირაოს სანაცვლოდ გათავისუფლდა.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება