არჩილ თალაკვაძე - გიორგი ლილუაშვილის სტაჟი შეესაბამება კანონის მოთხოვნებს

გიორგი ლილუაშვილის სტაჟი შეესაბამება კანონის მოთხოვნებს, - ასე უპასუხა პარლამენტის თავმჯდომარე არჩილ თალაკვაძემ ჟურნალისტის შეკითხვას, აქვს თუ არა გრიგოლ ლილუაშვილს სახელმწიფო უსაფრთხოების სამსახურის ხელმძღვანელად მუშაობის უფლება, რადგან კანონმდებლობის მიხედვით, სუს-ის უფროსს, ძალოვან სტრუქტურაში მუშაობის ორწლიანი გამოცდილება უნდა ჰქონდეს, ხოლო გრიგოლ ლილუაშვილს ორი წელი 2019 წლის დეკემბერში უსრულდება.

„სხვებს თუ შეუძლიათ ამ კანონების წაკითხვა, დამიჯერთ, მასაც ძალიან კარგად შეუძლია, ორი წელი უსრულდება მას კონკრეტულად სახელმწიფო უსაფრთხოების სამსახურში საქმიანობის თვალსაზრისით, მაგრამ ის ადრეც მუშაობდა სხვა სამსახურებში, რომლის სტაჟიც ამ შემთხვევაში შეესაბამება კანონის მოთხოვნებს“, - განაცხადა თალაკვაძემ.

ამასთან, თალაკვაძე გამოეხმაურა ოპოზიციის კრიტიკულ პოზიციას ლილუაშვილის კანდიდატურასთან დაკავშირებით და აღნიშნა, რომ თუ ოპოზიციას მომავალში ექნება კითხვები, უნდა დასვან საპარლამენტო ფორმატში.

„სახელმწიფო უსაფრთხოების სამსახურს და მის საქმიანობას ზედამხედველობას უწევს საქართველოს პარლამენტი. შესაბამისად, თუ ოპოზიციას მომავალში ექნება სამსახურის საქმიანობაზე კითხვები, ეს უნდა დასვან საპარლამენტო ფორმატებში. რაც შეეხება გრიგოლ ლილუაშვილს, ეს არის განათლებული, პროფესიონალი და პრინციპული ადამიანი. ის იყო საპარლამენტო გუნდის წევრი, საქმიანობდა პარლამენტში, მას აქვს უსაფრთხოების სექტორში მუშაობის გამოცდილება და რა თქმა უნდა, მას ექნება ჩვენი პოლიტიკური გუნდის მხარდაჭერა პარლამენტში“,- განაცხადა თალაკვაძემ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს