თურქეთის სამხედრო ოპერაცია სირიაში, ნატო-ს ყველა წევრი ქვეყნისთვის შემაშფოთებელია, - ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა განაცხადა.
მისი თქმით, შეშფოთებულია ოპერაციის შედეგებით.
„შეშფოთებული ვარ ასევე იმით, თუ როგორ შორს შეიძლება წავიდეს ვითარების ესკალაცია რეგიონში და როგორ შეიძლება ამან დესტაბილიზაცია, ადამიანების ტანჯვა გამოიწვიოს“, - განაცხადა იენს სტოლტენბერგმა დიდ ბრიტანეთში ვიზიტისას.
მისივე თქმით, იგი წუხს იმის გამო, რომ შესაძლოა, თურქეთის ოპერაციამ ე.წ ისლამური სახელმწიფოს წინააღმდეგ ბრძოლაში მიღწეულ წარმატებაზე ნეგატიური გავლენა მოახდინოს.
სტოლტენბერგის განცხადებით, აუცილებელია, რომ ამ კუთხით საერთაშორისო საზოგადოების მიღწევებს საფრთხე არ დაემუქროს.