გაეროს უშიშროების საბჭო დღეს, 16 ოქტომბერს სირიაში მიმდინარე პროცესებზე იმსჯელებს, რომლის ჩრდილო-აღმოსავლეთით, 9 ოქტომბრიდან, თურქეთი საომარ მოქმედებებს ახორციელებს. ამის შესახებ „როიტერსისთვის“ გახდა ცნობილი.

გაეროს უშიშროების საბჭოს ხუთმა ევროპელმა წევრმა - დიდმა ბრიტანეთმა, საფრანგეთმა, გერმანიამ, ბელგიამ და პოლონეთმა მოითხოვეს დახურული განხილვის გამართვა, რომლებიც სირიაში შექმნილ ვითარებაზე შეშფოთებას გამოთქვამენ.

ეს გაეროს უშიშროების საბჭოს უკვე მეორე სხდომა იქნება მას შემდეგ, რაც თურქეთმა სირიაში სამხედრო ოპერაცია დაიწყო.