30 სექტემბერს ყიფშიძის ქუჩაზე დაჭრილ ლევან ძნელაძეს, რომელიც დააკავეს, ბრალი ხვალ ან ზეგ წარედგინება. ამის შესახებ „ინტერპრესნიუსს“ დაკავებული ადვოკატმა გელა ნიკოლაიშვილმა განუცხადა.

მისივე თქმით, ძნელაძეს ბრალი საქართველოს სისხლის სამართლის კოდექსის 117-ე მუხლის პირველი ნაწილით და 236-ე მუხლის მე-3 და მე-4 ნაწილებით წარედგინა, რაც სხეულის განძრახ დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.

„ბრალი არ წარდგენია მხოლოდ ვიდეოს საფუძველზე, არის გარკვეული ჩვენებები, სადაც ჩამოთვლილია მოწმეების გვარები, ასევე არსებობს ვიდეომასალაც. ეს არის ის, რაც წერია განჩნებაში და დანარჩენი, როდესაც გადმოგვცემენ მასალებს, უფრო დეტალურად მეცოდინება”, - განაცხადა ნიკოლეიშვილმა.

შეგახსენებთ, შსს-მ ყიფშიძის ქუჩაზე მომხდარ დაჭრასთან დაკავშირებით სულ 3 მამაკაცი დააკავა, მათ შორის ის პირიც, რომელსაც ჭრილობები მიაყენეს.