ქსელის გეგმური სარეაბილიტაციო სამუშაოების გამო, 16 ოქტომბერს 10:30-დან 17:00 საათამდე ელექტროენერგიის მიწოდება შეეზღუდება აბონენტებს თიანეთის რაიონის სოფლებში: ღულელები, თოლენჯი, ევჟენტი, ხოფცა და მიმდებარე სოფლები. ამის შესახებ „ინტერპრესნიუსს“ კომპანია „ენერგო-პრო ჯორჯიადან“ აცნობეს.
მათივე ინფორმაციით, 11:00-დან 16:30 საათამდე ელექტროენერგიის მიწოდება შეეზღუდება აბონენტებს ყაზბეგის რაიონის სოფლებში : ყანობი, უხათი, ოქროყანა და მიმდებარე სოფლები, ასევე, 11:00-დან 18:00 საათამდე დუშეთის რაიონის სოფლებში: ხეობა, დოლოშა, კენჭაკლდე და მიმდებარე სოფლები, 12:00-დან 15:00 საათამდე აბონენტებს, მცხეთის რაიონის სოფლებში ხიდისყური, ქსანი, ციხისძირი და მიმდებარე სოფლები.
სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.