მაია ცქიტიშვილი - „ანაკლიის კონსორციუმმა“ მთავრობისადმი გამოგზავნილ წერილში არაპარტნიორული დამოკიდებულების დემონსტრირება მოახდინა

რეგიონული განვითარებისა და ინფრასტრუქტურის მინისტრის, მაია ცქიტიშვილის განცხადებით, „ანაკლიის განვითარების კონსორციუმმა“ მთავრობისადმი გაგზავნილი წერილით არა მხოლოდ ვალდებულებებთან მიმართებით დაიზღვია თავი, არამედ სრულიად არაპარტნიორული დამოკიდებულების დემონსტრირება მოახდინა.

მაია ცქიტიშვილის განცხადებით, რა წერია წერილში, ამის თქმის უფლება არ აქვს და წერილის შინაარსთან დაკავშირებით შეკითხვა უმჯობესია ჟურნალისტებმა „ანაკლიის განვითარების კონსორციუმის“ გენერალურ დირექტორ ლევან ახვლედიანს დაუსვან.

„გუშინ ჩვენ მივმართეთ „ანაკლიის განვითარების კონსორციუმს“, რომ მათ გაესაჯაროებინათ ეს წერილი. გუშინაც ვთქვი, რომ კონსორციუმმა საუბარი აგვიკრძალა ამ წერილის შინაარსზე და წერილის მიღების ფაქტზეც კი. გუშინ, ასევე მოვისმინე ძალიან საინტერესო კომენტარები ლევან ახვლედიანის მხრიდან, თითქოს, ის იურისტებთან გადაამოწმებდა, რამდენად ჰქონდა მას ამ წერილის გასაჯაროვების უფლება. მე გიდასტურებთ, რომ არათუ უფლება ჰქონდა, არამედ თავად გადაწყვიტეს ამ წერილის კონფიდენციალურობით დაფარვა“, - განაცხადა ცქიტიშვილმა.

მისი თქმით, ოდესღაც გასაჯაროვდება კონსორციუმის მიერ მთავრობისადმი მიწერილი წერილი, რომლის შინაარსაც ყველა მიხვდება.

„რა თქმა უნდა, თავი დაიზღვია (კონსორციუმმა) და არამარტო თავი დაიზღვია, არამედ ასეთი სრულიად არაპარტნიორული დამოკიდებულების დემონსტრირება მოახდინა. მას შემდეგ, რაც ისინი გაასაჯაროებენ ამ წერილს და ოდესღაც ეს წერილი გასაჯაროვდება, თქვენ ნახავთ, ნამდვილად დარწმუნდებით, რომ სამწუხაროდ, „ანაკლიის განვითარების კონსორციუმს საზოგადოების შეცდომაში შეყვანის ტაქტიკა აქვს აჩეული, როდესაც ისინი ამბობენ, რომ წერილში მითითებული არის კონკრეტული ხედვა და გეგმა პროექტის განვითარებასთან დაკავშირებით. როდესაც გაეცნობით ამ წერილის შინაარს, თქვენ მიხვდებით ყველაფერს“, - განაცხადა მაია ცქიტიშვილმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა