მთავრობასთან გაგზავნილი გვაქვს კონკრეტული წინადადება, რა უნდა ჩაიწეროს ხელშეკრულებაში, რათა SSA Marine-მ კომფორტულად იგრძნოს თავი - ვფიქრობთ, ერთობლივი ძალებით შეიძლება გამოსავლის გამონახვა, - ამის შესახებ „ანაკლიის განვითარების კონსორციუმის“ გენერალურმა დირექტორმა, ლევან ახვლედიანმა ბრიფინგზე განაცხადა.

მან უპასუხა “ინტერპრესნიუსის“ კითხვას, თუ როგორია SSA Marine-ის დამოკიდებულება იმასთან დაკავშირებით, რომ მათ წინადადებაზე, პროექტი ექსკლუზიური იყოს, მთავრობამ უარი განაცხადა.

„ჩვენ გუშინ აღვნიშნეთ, რომ სიტყვა „ექსკლუზივი“ მთავრობიდან გამომდინარეობს. მე ვფიქრობ, არის კონკრეტული წინადადება, რომელიც უკვე შეთავაზებულიცაა მთავრობასთან, გაგზავნილი გვაქვს კონკრეტული წინადადება, რა უნდა ჩაიწეროს ხელშეკრულებაში, იმისთვის, რომ SSA Marine-მ კომფორტულად იგრძნოს თავი. ამიტომ, ეს არის ერთ-ერთი ის საკითხი, რაც, ჩვენ ვფიქრობთ, რომ გადაჭრადია და ერთობლივი ძალებით შეიძლება გამოსავლის გამონახვა“, - განაცხადა ახვლედიანმა.