პარლამენტის თავდაცვისა და უშიშროების კომიტეტის სხდომა, სადაც მთავრობის მიერ პარლამენტისთვის სუს-ის ხელმძღვანელის თანამდებობაზე წარდგენილი გრიგოლ ლილუაშვილის კანდიდატურის განხილვა მიმდინარეობს, დაიხურა.
როგორც კომიტეტის თავმჯდომარე ირაკლი სესიაშვილმა განმარტა, სხდომის დახურვის მიზეზები და არგუმენტებზე საუბარიც დახურულ რეჟიმში მსჯელობას მოითხოვს და მანდატურის სამსახურს სთხოვა, რომ სხდომის დახურვასთან დაკავშირებით შესაბამისი პროცედურები განახორციელოს.
ამის შემდეგ კომიტეტის თავმჯდომარემ კომიტეტზე 7- წუთიანი შესვენება გამოაცხადა. სხდომის განახლების შემდეგ გრიგოლ ლილუაშვილის კანდიდატურის განხილვა უკვე დახურულ რეჟიმში წარიმართება.