სხვა პლანეტიდან ვერ ჩამოვიყვანთ ხალხს,- ასე ეხმიანება უმრავლესობის წევრი ნუკრი ქანთარია სახელმწიფო უსაფრთხოების სამსახურის უფროსის პოსტზე გრიგოლ ლილუაშვილის კანდიდატურასთან დაკავშირებით ოპოზიციის მიერ გამოთქმულ შეფასებებს. მისივე თქმით, სუს-ი პოლიტიკურ იარაღად არ გამოიყენება და ოპოზიციის კრიტიკა საფუძველს არის მოკლებული.

„გრიგოლ ლილუაშვილი იყო კომიტეტის თავმჯდომარე ჩვენთან. მე მაქვს პირადად სრული ნდობა. მან გამოცდილებაც სათანადო მიიღო და ამ მხრივ, მგონია, რომ პრობლემა არ შეექმნება.

მისი ვალდებულებაა იყოს ზეპარტიული რადგან მიდის ამ თანამდებობაზე, სხვანაირად ეს ადვილი შესამჩნევი იქნება“, - განაცხადა ნუკრი ქანთარიამ.

პარლამენტის თავდაცვისა და უშიშროების კომიტეტის სხდომაზე, მთავრობის მიერ პარლამენტისთვის სუს-ის ხელმძღვანელის თანამდებობაზე წარდგენილი გრიგოლ ლილუაშვილის კანდიდატურის განხილვა მიმდინარეობს.