ბავშვთა პორნოგრაფიის საქმეზე მსოფლიოს რამდენიმე ქვეყნის 338 მოქალაქე დააკავეს

სამართალდამცავმა ორგანოებმა სამხრეთ კორეაში შექმნილი ე.წ. დარქ ვების ბავშვთა პორნოგრაფიული საიტი აღმოაჩინეს და გამოძიების ფარგლებში რამდენიმე ქვეყნის 338 მოქალაქე დააკავეს, - ამის შესახებ ინფორმაციას „როიტერსი“ ავრცელებს.

სააგენტოს ინფორმაციით, აღნიშნული საიტი ბავშვთა პორნოგრაფიის ამსახველ ვიდეოებს ციფრულ ვალუტაზე ყიდდა.

ვებ-გვერდზე - Welcome To Video 250,000 ვიდეო იყო ხელმისაწვდომი, მათ შორის ვიდეოები, რომლებზეც პატარა ბავშვების გაუპატიურების კადრები იყო ასახული.

სამართალდამცავებმა აშშ-ში, დიდ ბრიტანეთსა და ესპანეთში 23 მცირეწლოვანი მსხვერპლი გადაარჩინეს, რომლებზეც საიტის მომხმარებლები აქტიურად ახორციელებდნენ ძალადობას. ჯერჯერობით ვერ ხერხდება უამრავი ბავშვის იდენტიფიცირება, რომლებიც ვიდეოებში ჩანან.

ვებ-გვერდის მფლობელი სამხრეთ კორეელი ჯონგ ვუ სანია, რომელიც ამჟამად აშშ-ის ციხეში სასჯელს სხვა დანაშაულისთვის იხდის.

Welcome To Video ერთ-ერთი პირველი ვებ-საიტია მსოფლიოში, რომელიც ბავშვთა პორნოგრაფიას ბიტკოინებზე ყიდდა და რომლის მომხმარებლებსაც ფინანსური გადარიცხვების განხორციელებისას ვინაობის დამალვა შეეძლოთ.

სამართალდამცავებს ინფორმაციით, საიტმა სულ მცირე 370,000 აშშ დოლარის ღირებულების ბიტკოინი შეაგროვა.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა