პროკურორის განცხადებით, გლდანში, არასრულწლოვნის დაჭრაში ბრალდებული ბრალს არ აღიარებს

სერგო ოსმინკინმა არასრულწლოვანს დანის გამოყენებით მუცლის არეში დაზიანება მიაყენა. არასრულწლოვანს ერთი ჭრილობა აქვს, მისი მდგომარეობა მძიმეა, - ამის შესახებ ჟურნალისტებს გლდანში არასრულწლოვნის მკვლელობის მცდელობის ბრალდებით დაკავებულის საქმის პროკურორმა, გურამ კრავეიშვილმა განუცხადა.

როგორც პროკურორი აცხადებს, შემთხვევა ხიზანიშვილის ქუჩაზე, გზის სავალ ნაწილზე, 15 ოქტომბერს, ღამის საათებში მოხდა. კრავეიშვილის განმარტებითვე, დაკავებული 36 წლის სერგო ოსმინკინი ბრალს არ აღიარებს.

„აღნიშნული დანაშაული 15 ოქტომბერს მოხდა, ბრალი 16 ოქტომბერს წარედგინა. ყველა ის მტკიცებულება, რომელიც ამ ეტაპზე ბრალდების მხარემ აღნიშნულ საქმეზე შეკრიბა, სასამართლოს წარედგინა და სწორედ ამ მტკიცებულებებზე დაყრდნობით მიიღო სასამართლომ გადაწყვეტილება. მტკიცებულებებს რაც შეეხება, გამოძიება დღემდე მიმდინარეობს და წინასასამართლო სხდომამდე გვაქვს ვადა, რომ საგამოძიებო მოქმედებები სრულყოფილად ჩავატაროთ", - განაცხადა კრავეიშვილმა.

შეგახსენებთ, მეტროსადგურ „ახმეტელის თეატრის“ მიმდებარე ტერიტორიაზე არასრულწლოვნის დაჭრის ფაქტზე დაკავებულ სერგო ოსმინკინს აღკვეთის ღონისძიების სახით პატიმრობა შეეფარდა.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)