გიგა ბოკერია ზალკალიანს - საერთოდ ვინმემ გაგაკრიტიკათ იმაზე, ლავროვთან შეხვედრა რატომ შედგაო?! დამნაშავეებივით რატომ იქცევით? ესაა კითხვა, გეთქვათ, რომ შეხვედრა იქნება

ვინმემ გაგაკრიტიკათ იმის გამო, სერგეი ლავროვთან შეხვედრა რატომ შედგაო?! გეთქვათ ჩვეულებრივ, რომ იქნება შეხვედრა. რატომ იქცევით დამნაშავეებივით იქაც კი, სადაც დამნაშავეები არ ხართ?! - ასე მიმართა „ევროპული საქართველოს“ ერთ-ერთმა ლიდერმა გიგა ბოკერიამ პარლამენტის სხდომაზე საგარეო საქმეთა მინისტრს დავით ზალკალიანს რუსეთის საგარეო საქმეთა მინისტრთან შეხვედრასთან დაკავშირებით.

როგორც ბოკერიამ აღნიშნა, ზოგადი მზადყოფნა, რომ შეხვედრები იყოს, ერთია და კონკრეტული ინფორმაცია, რომ შეხვედრა შედგება - მეორე.

„თქვენ თქვით, თურმე გაგიკვირდათ, რომ ხალხმა არ იცოდა, რომ ოკუპანტი სახელმწიფოს საგარეო საქმეთა მინისტრს ხვდებოდით. ამას სერიოზულად გვეუბნებოდით? თქვენი უმრავლესობის წევრები იყვნენ გაკვირვებულები, რომ გაიგეს ამის შესახებ. ზოგადი მზადყოფნა, რომ შეხვედრები იყოს, ერთია და კონკრეტული ინფორმაცია, რომ შეხვედრა შედგება - მეორე. აქ საუბარი იმაზე კი არ არის, რომ ვინმეს პრობლემა აქვს შეხვედრასთან, საერთოდ ვინმემ გაგაკრიტიკათ იმაზე, შეხვედრა რატომ შედგაო?! საიდან მოიტანეთ?! „ევროპული საქართველოს“ პოზიციაა, რომ შეხვედრები საჭიროა, მათ შორის მტერთან. დამნაშავეებივით რატომ იქცევით? ესაა კითხვა. გეთქვათ ჩვეულებრივ, რომ იქნება შეხვედრა, რა პრობლემა იყო. ან შეხვედრის შემდეგ,რუსეთისთვის მაინც არ მიგეცათ საშუალება, რომ დაესწროთ თქვენთვის ნარატივის შექმნა. რატომ იქცევით დამნაშავეებივით, იქაც კი, სადაც დამნაშავეები არ ხართ. საკმარისია ის შემთხვევები, სადაც მართლა დამნაშავეები ხართ“, - მიმართა გიგა ბოკერიამ დავით ზალკალიანს.

ამასთან, ბოკერია დაინტერესდა, ლავროვთან შეხვედრის წინ დავით ზალკალიანს უმრავლესობის წევრებთან კონსულტაცია თუ ჰქონდა, რაზეც ზალკალიანმა დაუდასტურა, რომ კონსულტაცია ჰქონდა, რის შემდეგაც ბოკერიამ სთხოვა დაეკონკრეტებინა ვისთან და რა ფორმატში შედგა საუბარი.

„მაშინ სიტყვით გამოსვლისას ჩამოგვითვალეთ გვარებით ვისთან და რა ფორმატში გქონდათ საუბარი“, - ასე მიმართა ბოკერიამ ზალკალიანს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ