რომან კაკულია გიგა ბოკერიასთან დაპირისპირებაზე - ვერ გეტყვით, ბოკერიამ თავის თავზე რატომ მიიღო

ვერ გეტყვით, ბოკერიამ თავის თავზე რატომ მიიღო ეს,- ასეთ განმარტებას აკეთებს ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია მასსა და ბოკერიას შორის მომხდარ დაპირისპირებაზე და აცხადებს, რომ როცა 2008 წლის მოვლენებზე საუბრობდა, გიგა ბოკერიას ყველაზე ნაკლებად გულისხმობდა.

„მთელმა საქართველომ იცის, რომ იყო ასეთი არასასიამოვნო ფაქტი. ყველამ ნახა ის პირები, ვინც მაშინ წითელ ხიდზე იყო და ამ კონტექსტში მოვიხსნიე ეს და არც განსაკუთრებულ აპელირებას ვაპირებ ამაზე. ყველასგან შეიძლება მიიღო შენიშვნა, მაგრამ ვიღაცას აქვს ამის მორალური უფლება, ვიღაცას არა“, - განაცხადა რომან კაკულიამ.

შეგახსენებთ, პარლამენტის პლენარულ სესიაზე, სადაც „მინისტრის საათის“ ფორმატში საგარეო საქმეთა მინისტრს დავით ზალკალიანს უსმენდნენ, გიგა ბოკერიასა და რომან კაკულიას შორის სიტყვიერი დაპირისპირება მოხდა.

გიგა ბოკერია გაღიზიანება რომან კაკულიას სიტყვით გამოსვლამ გამოიწვია, რა დროსაც კაკულია მინისტრს სერგეი ლავროვის შეხვედრასთან დაკავშირებით კითხვას უსვამდა.

„პრინციპში, იმ ადამიანთა რიცხვს ვეკუთვნი, რომელიც თვლის, რომ ეს შეხვედრა იყო დაგვიანებული. ვცდილობ, თავი არ დავიკომპლექსო იმ ადამიანების შეგონებებით, რომლებიც რუსული ტანკი რომ დაიქოქება, მანქანას აზერბაიჯანისკენ ქოქავენ იმ წუთას. იმედია, თქვენთან არ არის ეს ამბავი“,-განაცხადა კაკულიამ.

აღნიშნულზე გიგა ბოკერიამ განაცხადა, რომ კაკულია მას შეურაცხყოფას აყენებდა. შელაპარაკების შემდეგ გიგა ბოკერიამ დარბაზი დატოვა.

ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
ქართული პრესის მიმოხილვა 11.11.2019
ზაალ ანჯაფარიძე - „ნაციონალები“ და „ევროპული საქართველო“ კი აცხადებენ, რომ სურთ არჩევნების გზით იარონ, მაგრამ ცალი თვალი მაინც რევოლუციურ სცენარზე უჭირავთ
„სამ რაან სპა-ცენტრი“ ევროპის საუკეთესო სპად დასახელდა