20 ივნისის საქმეზე, სამსახურებრივი უფლებამოსილების გადამეტებაში ბრალდებული ყოფილი სპეცრაზმელი ბრალს სრულად აღიარებს

20 ივნისს, პარლამენტის წინ აქციის დაშლისას სამსახურებრივი უფლებამოსილების გადამეტების საქმეზე ბრალდებული ყოფილი სპეცრაზმელი ლევან იმერლიშვილი ბრალს სრულად აღიარებს.

ამის შესახებ სასამართლო პროცესზე ლევან იმერლიშვილის ადვოკატმა, ანი კოტეტიშვილმა განაცხადა.

სასამართლოში ჩვენება მისცა სასამართლო სამედიცინო ექსპერტმა ზურაბ გრიგოლაშვილმა, რომელმაც დაზარალებულს ექსპერტიზა ჩაუტარა.

ამასთან, საქმის პროკურორი გიორგი მუჯირი აცხადებს, რომ აღკვეთის ღონისძიების განხილვის არც ერთ სტადიაზე ბრალდების მხარე ლევან იმერლიშვილის მიმართ გირაოს გამოყენებას არ ეთანხმებოდა.

როგორც სხდომის დასრულების შემდეგ მუჯირმა ჟურნალისტებს განუცხადა, დღეს სასამართლოში დაკითხულმა სამედიცინო ექსპერტმა დაზარალებულისთვის მიყენებულ დაზიანებებზე ისაუბრა.„ექსპერტმა დეტალურად ისაუბრა დაზარალებულისადმი მიყენებულ ჯანმრთელობის დაზიანებაზე, ხარისხზე, ხანდაზმულობაზე და დაზიანების განვითარებაზე. კერძოდ, დაზარალებულს აღენიშნებოდა ექსკორაციები ტუჩის ქვედა ნაწილში და ცხვირზე ჰქონდა დაზიანება, ასევე მოტეხილი ჰქონდა ნეკნი. დაზიანებები მიყენებული იყო ბლაგვი საგნის ზემოქმედების შედეგად",- განაცხადა გიორგი მუჯირმა.

შეგახსენებთ, ლევან იმერლიშვილი გასულ სხდომაზე 10 000-ლარიანი გირაოს სანაცვლოდ გაათავისუფლეს.

შემდეგი სასამართლო სხდომა 28 ნომებერს, 16:00 საათზე დაინიშნა.

იხილეთ ვიდეო: 20 ივნისის საქმეზე, სამსახურებრივი უფლებამოსილების გადამეტებაში ბრალდებული ყოფილი სპეცრაზმელი ბრალს სრულად აღიარებს

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან