ანრი ოხანაშვილი საქართველოში ევროსაბჭოს ოფისის ხელმძღვანელს, კრისტიან ურსეს შეხვდა. ამის შესახებ „ინტერპრესნიუსს“ საქართველოს პარლამენტიდან აცნობეს.

მათი ინფორმაციით, შეხვედრაზე საუბარი შედგა იმ რეფორმებთან დაკავშირებით, რომლებიც საქართველოს პარლამენტში მიმდინარეობს, კერძოდ, სასამართლო რეფორმის მეოთხე ტალღასთან და უზენაესი სასამართლოს მოსამართლეობის კანდიდატებთან გასაუბრების პროცესთან დაკავშირებით.

„ჩვენ გვაქვს მხარდაჭერა მნიშვნელოვანი რეფორმების განხორციელებაში, რომელიც დემოკრატიის ხარისხს და ადამიანის უფლებების ხარისხს კიდევ უფრო გააუმჯობესებს“, - განაცხადა ანრი ოხანაშვილმა.