გიგა ბოკერია სიმონ ნოზაძეზე - ოფიციალურად საბჭოთა კაგებეს მაიორი ვიყავიო - შემშლია, ბოდიშს ვიხდი, პოლკოვნიკი არ ყოფილა, მაიორია

ოფიციალურად საბჭოთა კაგებეს მაიორი ვიყავიო, შემშლია, ბოდიშს ვიხდი, პოლკოვნიკი არ ყოფილა, მაიორია,- ამის შესახებ ჟურნალისტებს „ევროპული საქართველოს“ ერთ-ერთმა ლიდერმა გიგა ბოკერიამ განუცხადა, როდესაც უმრავლესობის წევრ სიმონ ნოზაძესთან სიტყვიერი დაპირისპირების შესახებ კომენტარი გააკეთა.

"როცა წარსულზე საუბარს იწყებს საბჭოთა საოკუპაციო კაგებეს თანამშრომელი და მერე სწყინთ და შეურაცხყოფილები არიან, როცა ინტელექტუალურად იჩაგრებიან და რატომ გვტკენთ გულსო და ბევრჯერ ვატკენთ გულს იმიტომ, რომ მათი პოლიტიკა ვნებს საქართველოს და მეორე- მორალური სტანდარტი არსებობს. მე ვიღებ წინა ხელისუფლების კრიტიკას, მაგრამ საბჭოთა რეჟიმის წარმომადგენელ ვოლსკისგან ან სხვისგან როცა ეს ისმის, ყოველთვის გავახსენებ, რომ ისინი იყვნენ საქართველოს ოკუპანტების ხელისუფლების წარმომადგენლები. ისეთ კომპრომისზე კი არ იყვნენ წასულები, რომ პარტიის წევრები იყვნენ, ასეთი ბევრი იყო, ასეთი დრო იყო, მესმის. მორალს არ ვკითხულობ, მაგრამ როცა რეჟიმს წარმოადგენ და მით უმეტეს კაგებეს, ყველამ ვიცით, რაზეა ლაპარაკი. სიმონ ნოზაძეზე ვსაუბრობ, რომელმაც წაგვიკითხა დიდი არზა, ვინ არის მოგზავნილი და ვინ არა. ოფიციალურად საბჭოთა კაგებეს მაიორი ვიყავიო, შემშლია, ბოდიშს ვიხდი, პოლკოვნიკი არ ყოფილა, მაიორია",- განაცხადა გიგა ბოკერიამ.

სიმონ ნოზაძესა და გიგა ბოკერიას შორის დაპირისპირება პარლამენტის პლენარულ სხდომაზე მოხდა, სადაც „მინისტრის საათის“ ფორმატში საგარეო საქმეთა მინისტრს დავით ზალკალიანს უსმენდნენ. ნოზაძის სიტყვით გამოსვლის შემდეგ ბოკერიამ მას „საბჭოთა უშიშროების ყოფილი პოლკოვნიკი უწოდა“, რასაც სიტყვიერი დაპირისპირება მოჰყვა. მანდატურებმა გიგა ბოკერია დარბაზიდან გაიყვანეს.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა