კახა კალაძე - მეტროში გვაქვს მძიმე მდგომარეობა, არა მხოლოდ შემადგენლობებისა და ვაგონების თვალსაზრისით - ინფრასტრუქტურა არის კატასტროფულ მდგომარეობაში

მეტროში გვაქვს მძიმე მდგომარეობა არა მხოლოდ შემადგენლობებისა და მეტროს ვაგონების თვალსაზრისით, არამედ ინფრასტრუქტურა არის კატასტროფულ მდგომარეობაში, სრული ამ სიტყვის მნიშვნელობით და ჩემს სიტყვებზე პასუხისმგებელი ვარ. რაც მეტრო გაიხსნა, ძირეული რეაბილიტაცია, ცვლილებები არავის გაუკეთებია, - ამის შესახებ თბილისის მერმა კახა კალაძემ „პალიტრანიუსის“ გადაცემაში „360 გრადუსი“ განაცხადა.

თბილისის მერი დედაქალაქში განხორციელებულ სატრასნპორტო რეფორმაზე საუბრისას მეტროში მიმდინარე სარეაბილიტაციო სამუშაოებსაც შეეხო. როგორც კალაძემ განაცხადა, მიმდინარეობს გამნიავებელი აგრეგატების გამოცვლა, რომლებიც საბჭოთა კავშირის დროს არის დამონტაჟებული. თბილისის მერის თქმით, მთავარი და მნიშვნელოვანია, რომ დაცული იყოს უსაფრთხოება.

„აქაც შემიძლია დავიტრაბახო, რომ პირველი, ჩვენ ვართ ის მთავრობა, რომელიც ასეულ მილიონს ხარჯავს, იმისათვის, რომ მეტრო იყოს მოწესრიგებული. ახლა, დავიწყეთ მნიშვნელოვანი პროექტის განხორციელება. ეს არის ძალოვანი კაბელების ცვლილება. რამდენიმე დღის წინ ჩავედით და სამუშაოები დავათვალიერეთ, რომელიც ძირითადად ღამის საათებში მიმდინარეობს. ბოდიშის მოხდა მოგვიწია მოსახლეობისთვის იმიტომ, რომ ერთი საათით ადრე წყვეტს მეტრო მუშაობას, რათა სამუშაოები დროულად იქნას წარმოებული“, - განაცხადა კხა კალაძემ.

ამასთან, კახა კალაძის თქმით, 60 ერთეული მწვანე ავტობუსები, რომელიც დედაქალაქს უხდება და მოსახლეობას ემსახურება, ძალიან კომპაქტურია და დაკვირვებებით ჩანს, რომ მიკროავტობუსების მგზავრები ახალი ავტობუსებით გადაადგილებას ანიჭებენ უპირატესობას.

„მიკროავტობუსების მდგომარეობა, თუ რა პირობებში უწევთ მგზავრებს გადაადგილება, როგორი მძიმეა იქ სიტუაცია... რა თქმა უნდა, არჩევანი არის ახალი ავტობუსი და რა თქმა უნდა, ისინი (მიკროავტობუსები) კარგავენ მგზავრებს. 2030 წლამდე აქვთ მათ (მიკროავტობუსების მძღოლებს) ხელშეკრულება, რომელიც წინა მთავრობის პირობებში გაფორმდა. ჩვენთვის მთავარი არის, რომ კომპანია დავავალდებულოთ, მოვთხოვოთ ახალი ავტობუსების შემოყვანა. ამაზე უკვე გვაქვს მოლაპარაკებები და ჩვენი მიდგომაა, რომ როგორც მიმდინარეობს საზოგადოებრივი ტრანსპორტის განახლება, ასევე მიკორავტობუსების ჩანაცვლება უნდა განახორციელოს კომპანიამ. თუ როგორი ავტობუსები იქნება და რა მარკა იქნება, ამასთან დაკავშირებით საზოგადოებასთან კომუნიკაციები აუცილებლად გვექნება“, - განაცხადა კალაძემ.

იხილეთ ვიდეო

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს