თბილისში, ვაზისუბანში მომხდარი ავტოსაგზაო შემთხვევის შედეგად სამი მოქალაქეა დაშავებული. ამის შესახებ „ინტერპრესნიუსს“ შსს-ში განუცხადეს.
უწყების ინფორმაციით, ისინი სხვადასხვა საავადმყოფოში არიან გადაყვანილნი.
შეგახსენებთ, ვაზისუბანში მომხდარ ავტოსაგზაო შემთხვევას შუახნის ქალის სიცოცხლე ემსხვერპლა. არსებული ინფორმაციით, მსუბუქი ავტომანქანა ჯერ ქვეითად მოსიარულე შუახნის ქალს დაეჯახა, ამის შემდეგ კი სამ მანქანას შეეჯახა.
გამოძიება მომხდარზე 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სისცოცხლის მოსპობა გამოიწვია.