სინერჯი კაპიტალმა კომპანია ალტასთან თანამშრომლობის მემორანდუმი გააფორმა

სს სინერჯი კაპიტალმა კომპანია ალტასთან კაპიტალში შესვლის გადაწყვეტილების მისაღებად, თანამშრომლობის მემორანდუმი გააფორმა.

სინერჯი კაპიტალსა და ალტას შორის გაფორმებული მემორანდუმის მიხედვით სინერჯი კაპიტალი კომპანიის დეტალურ დიაგნოსტიკას ატარებს და შეფასების და სტრატეგიული ხედვის დამუშავების საფუძველზე იღებს კომპანია ალტას კაპიტალში შესვლის გადაწყვეტილებას.

როგორც „ინტერპრესნიუსს“ სინერჯი კაპიტალიდან აცნობეს, სინერჯი კაპიტალის საინვესტიციო პოლიტიკის მიხედვით ის კომპანიის 20% წილში შესვლის შესაძლებლობას იხილავს.

„ტექნიკით ვაჭრობის ბაზარი საკმაოდ დიდია და მზარდიც, და თან ნაკლებად კონსოლიდირებულია ჩვენთან. ამდენად სინერჯი კაპიტალისთვის ძალიან საინტერესო ბაზარია. თვითონ ალტა ამ ბაზარზე ჯამურად ყველაზე დიდი კომპანიაა და ძალიან ძლიერიც თავისი მიდგომებით, მათ შორის პარტნიორებთან ურთიერთობის, ასორტიმენტის განვითარების და დანერგვის კუთხით. ალტასთან წლებია ვთანამშრომლობთ სტრუქტურის განვითარების მიმართულებით, კარგად ვიცნობთ გუნდს და დიდი სურვილი გვაქვს, რომ უკვე სინერჯი კაპიტალში ამ ფორმით თანამშრომლობაც გამოგვივიდეს“, - აცხადებს სინერჯი კაპიტალის მმართველი პარტნიორი, პაპუნა ტოლიაშვილი.

„სინერჯი ჯგუფი წლებია უკვე ალტას სტრუქტურის განვითარებაშია ჩართული, აქტიურად ვთანამშრომლობთ და კარგად ვიცნობთ არსებულ გუნდს, ვენდობით და გვჯერა მათი პროფესიონალიზმის. ახლა უკვე პარტნიორის როლში ასეთი კომპანიის ყოლა დიდი კომფორტი და დასაყრდენი იქნება ჩვენთვის." - აცხადებს, ალტას დამფუძნებელი ირაკლი კაკაბაძე.

საინვესტიციო კომპანია სინერჯი კაპიტალის არსებულ პორტფელში ეს ამ დროისთვის ყველაზი დიდი გარიგებაა. ორგანიზაცია გეგმავს, რომ ყოველწლიურად მინიმუმ ერთი ასეთი მოცულობის გარიგება განახორციელოს. არსებული პორტფელი კი წელს ჯამში 10 კომპანიით გაიზრდება.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება