ირაკლი კობახიძეს და მის „ოქტომბრელ“ მეგობრებს მე დავპირდი, რომ ჩემი ხელით ჩამოვკიდებ „ოქტომბრელების“ გულსაბნევს, როდესაც ისინი წავლენ პარლამენტიდან 2020 წლის არჩევნების შემდეგ, - ასე უპასუხა იუსტიციის უმაღლესი საბჭოს არამოსამართლე წევრმა ანა დოლიძემ ჟურნალისტების კითხვას, რომლის თანახმად, ირაკლი კობახიძე გამორიცხავს ანა დოლიძესთან თანამშრომლობას და რა პოზიცია აქვს ანა დოლიძეს, ვისთან ერთად შეიძლება შევიდეს პარლამენტში.
ანა დოლიძის განცხადებით, მის მიერ დაანონსებული ფართომასშტაბიანი საზოგადოებრივი საქმიანობა მტკივნეული საკითხების გარშემო მოსახლეობის მხარდაჭერას მოემსახურება.
ამასთან, ანა დოლიძეს დღეს ჟურნალისტებთან არ დაუკონკრეტებია, საზოგადოებრივი მოძრაობა მომავალში მიიღებს თუ არა პოლიტიკურ ფორმას.