გენერალური პროკურორის პირველი მოადგილე ე.წ. მუქარის წერილზე - წერილი ჯერ ჩვენთან არ შემოსულა, თუ შემოვა, რეაგირებას მოვახდენთ

გენერალური პროკურორის პირველი მოადგილის მამუკა ვასაძის განცხადებით, იმ შემთხვევაში, თუ "თიბისი ბანკის" დამფუძნებელი მამუკა ხაზარაძე ე.წ. მუქარის წერილის დედანს პროკურატურაში მიიტანს, უწყება რეაგირებას მოახდენს.

„წერილი ჯერ ჩვენთან არ შემოსულა, თუ შემოვა რეაგირებას მოვახდენთ. როცა შემოიტანს ბატონი მამუკა თუ ბატონი ბადრი განცხადებას, კომენტარს მერე გავაკეთებთ", - განაცხადა მამუკა ვასაძემ.

შეგახსენებთ, რომ „თიბისი ბანკის" დამფუძნებელმა მამუკა ხაზარაძემ პარლამენტის საკომიტეტო მოსმენაზე განაცხადა, რომ შინაგან საქმეთა მინისტრმა გიორგი გახარიამ, რომელიც ამჟამად პრემიერ-მინისტრის თანამდებობას იკავებს, წინასაარჩევნო პერიოდში მას მუქარის შემცველი წერილი გაუგზავნა.

ამასთან, მამუკა ხაზარაძე აცხადებს, რომ ე.წ. მუქარის წერილის დედანის პროკურატურისთვის გადაცემასთან დაკავშირებით, დაზღვევის მექანიზმზე სახალხო დამცველთან მიდის კონსულტაციები.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს