ირაკლი კოვზანაძე -  2020 წლის ბიუჯეტთან დაკავშირებით  შრომატევადი  სამუშაო გველოდება

2020 წლის ბიუჯეტთან დაკავშირებით ძალიან შრომატევადი და სკურპულოზური მუშაობა გველოდება. ბიუჯეტის პირველად ვერსიაზე გვქონდა დეტალური და სიღრმისეული განხილვა, აზრთა გაზიარება, შენიშვნებიც და რეკომენდაციებიც. ეს არის საბიუჯეტო პროცესი და ეს არის სწორედ საპარლამენტო დემოკრატია, - ამის შესახებ პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძემ 2020 წლის ბიუჯეტთან დაკავშირებით საუბრისას კომიტეტის შემაჯამებელ სხდომაზე განაცხადა.

ირაკლი კოვზანაძის თქმით, მთავრობას ბიუჯეტის პროექტი შენიშვნებით და რეკომენდაციებით უკან დაუბრუნდება. რაც შეეხება 2020 წლის მთავარი ფინანსური დოკუმენტის პირველად პროექტს, როგორც კოვზანაძემ აღნიშნა, კანონპროექტში წარმოდგენილია ეკონომიკური სტაბილურობისთვის საჭირო ყველა აუცილებელი პარამეტრი. მათ შორის, ბიუჯეტი მშპ-ს 5%-იან ზრდაზეა დაგეგმილი; ერთიანი ბიუჯეტის დეფიციტის 2,7%-ის დონეზე, შენარჩუნების პირობებში, კიდევ უფრო გაზრდილია თანხები სოციალური მიმართულებებით.

„პარლამენტის შენიშვნები და რეკომენდაციები ძირითადად დაფინანსების ზრდას უკავშირდება საქართველოს ეკონომიკის და სხავადასხვა მიმართულებების გასაძლიერებლად, რომელიც ვფიქრობთ, რომ მთავრობამ უნდა გაითვალისწინოს,“ - განაცხადა ირაკლი კოვზანაძემ

საფინანსო-საბიუჯეტო კომიტეტის სხდომაზე დღეს 2020 წლის ბიუჯეტის პროექტი განიხილეს, სადაც უმრავლესობის და ოპოზიციის მხრიდან ჯამში 100-მდე კითხვა დაისვა. საბოლოოდ, კომიტეტმა მხარი დაუჭირა 2020 წლის ბიუჯეტის პროექტს, რომელიც შენიშვნებით და რეკომენდაციებით მთავრობას უკან დაუბრუდება.

შეგახსენებთ, რომ 2020 წელს ქვეყანა 14 მილიარდ 212 მილიონს დახარჯავს, 800 მილიონი ლარით მეტს ვიდრე 2019 წელს. მომავალი წლიდან დაგეგმილია პენსიებისა და ხელფასების ზრდა.

აღნიშნულ ინფორმაციას საფინანსო-საბიუჯეტო კომიტეტის აპარატი ავრცელებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება