პარლამენტი 2020 წლის სახელმწიფო ბიუჯეტის პროექტის პირველად ვერსიას შენიშვნებით და რეკომენდაციებით  მთავრობას უკან დაუბრუნებს

საქართველოს პარლამენტი 2020 წლის სახელმწიფო ბიუჯეტის პროექტის პირველად ვერსიას შენიშვნებით და რეკომენდაციებით საქართველოს მთავრობას უკან დაუბრუნებს. პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძის თქმით, კომიტეტზე ბიუჯეტთან დაკავშირებით 100-ზე მეტი შენიშვნა და რეკომენდაცია გამოითქვა, რაც ძირითადად სხვადასხვა მიმართულებით ფინანსური რესურსების მობილიზებას უკავშირდებოდა.

“კომიტეტმა მხარი დაუჭირა პროექტის პირველად ვერსიას. ვფიქრობ, რომ ძალიან საინტერესო განხილვა იყო. ზოგადადაც, ველოდები, რომ საბიუჯეტო პროცესში ბევრი შრომატევადი სამუშაოები გვექნება ჩასატარებელი. პროექტი მთავრობას შენიშვნებით და რეკომენდაციებით უკან დაუბრუნდება. ჩვენი სურვილია, რომ აღნიშნული შენიშვნები გაითვალისწინონ. გადამუშავებული პროექტი კი ნოემბრის თვეში შემოვა პარლამენტში. პროექტს ელოდება განხილვა საფინანსო-საბიუჯეტო კომიტეტზე და სესიაზე”,-განაცხადა კოვზანაძემ.

საფინანსო- საბიუჯეტო კომიტეტს ბიუჯეტის მთავარი პარამეტრები ფინანსთა მინისტრის მოადგილემ გიორგი კაკაურიძემ გააცნო. როგორც გიორგი კაკაურიძემ სხდომის დასრულების შემდეგ განაცხადა, დიდი მოცულობით ბიუჯეტის გაზრდა არსებულთან შედარებით ვერ მოხდება.

“მნიშვნელოვანი და დიდი რესურსი იმისი, რომ არსებული ბიუჯეტი მნიშვნელოვნად შეიცვალოს ნამდვილად არ არის. ჩვენ თითოეულ შენიშვნას განვიხილავთ, შესაძლებლობების ფარგლებში შევეცდებით, რომ შენიშვნები და წინადადებები გავითვალისწინოთ, თუმცა დიდი მოცულობით ბიუჯეტის გაზრდა არსებულთან შედარებით ვერ მოხდება”,-განაცხადა კაკაურიძემ.

2020 წლის ქვეყნის მთავარი ფინანსური დოკუმენტის გადამუშავებული პროექტი პარლამენტს ნოემბერში წარედგინება. საბოლოოდ მომავალი წლის სახელმწიფო ბიუჯეტი დეკემბერში უნდა დამტკიდეს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!