ბარსელონაში მანიფესტაციაში 525 ათასი ადამიანი მონაწილეობს - პოლიციასთან შეტაკებები განახლდა
ბარსელონაში მანიფესტაციაში 525 ათასი ადამიანი მონაწილეობს. ბლოკირებულია სატრანსპორტო მაგისტრალები, მეტროპოლიტენის რამდენიმე სადგური დახურულია. ამის შესახებ უცხოური მედია იუწყება.
კატალონიის მთავრობის მეთაურმა კიმ ტორამ „ტვიტერში“ აქციის მონაწილეების მხარდამჭერი პოსტი გამოაქვეყნა.
„ვულოცავ თავისუფლების მარშის მონაწილეებს, რომლებმაც მთელი ქვეყანა მოიცვეს. მადლობა ყველას, ვინც დამოუკიდებლობისთვის ბრძოლაში მშვიდობიანი სამოქალაქო ძალის დემონსტრირება მოახდინა. ჩვენ გავიმარჯვებთ და წინსვლას გავაგრძელებთ“, - წერს კიმ ტორა.
პარალელურად, ვრცელდება ინფორმაცია, რომ ბარსელონაში კვლავ დაიწყო არეულობები და პოლიციასთან შეტაკებები. მანამდე შეტაკებების შედეგად, 40-ზე მეტი ადამიანი დაშავდა, 16 კი დააკავეს.
კატალონიაში მდგომარეობა მას შემდეგ დაიძაბა, რაც კატალონიის მთავრობის ყოფილ წარმომადგენლებს ხანგრძლივი პატიმრობა მიუსაჯეს. ისინი კატალონიის დამოუკიდებლობის შესახებ რეფერენდუმის ჩატარებას ცდილობდნენ.
v-if="article.gallery" v-html="article.gallery"
