გურამიშვილის გამზირზე, საცხოვრებელ კორპუსში მომხდარი აფეთქების შედეგად დაშავებული სამი პირის მდგომარეობა, რომლებიც თსსუ-ს პირველ საუნივერსიტეტო კლინიკაში (ყოფილი მე-8 საავადმყოფო) არიან შეყვანილი, სტაბილურია.
როგორც „ინტერპრესნიუსს“ საავადმყოფოს კლინიკურმა დორექტორმა ლალი ტურძელაძემ განუცხადა, კლინიკაში შეყვანილია სამი ადამიანი, ორი მამაკაცი და ერთი ქალი. მათგან, ორს აქვს მსუბუქი ჭრილობები მტევანზე, რომელიც მინის დამსხვრევის შედეგად აქვთ მიღებული, ხოლო ქალს, რომელიც იატაკის ჩანგრევის შედეგად დაშავდა, გამოკვლევები უტარდება და მიმდინარეობს დინამიკაში დაკვირვება.