გურამიშვილის გამზირზე საცხოვრებელ კორპუსში, სადაც აფეთქება მოხდა, შს მინისტრი ვახტანგ გომელაური მივიდა. ადგილზე იმყოფება საპატრულო პოლიციის ხელმღვანელი ვაჟა სირაძე.
მინისტრი ადგილზე არსებულ ვითარებას ეცნობა.
საგანგებო სიტუაციების მართვის სამსახურის პირველადი ინფორმაციით, გურამიშვილის გამზირზე, 16-სართულიან კორპუსში აფეთქება გაზის დაგროვებამ გამოიწვია. მომხდარის შედეგად სასწრაფო-სამედიცინო დახმარების ჯგუფებმა სხვადასხვა სამკურნალო დაწესებულებაში 4 პირი გადაიყვანეს.