კახა კალაძე კორპუსში აფეთქების შედეგად დაზარალებულებზე - მერია და გამგეობა ყველაფერს გააკეთებს, რომ რაც დაუზიანდათ და გაუფუჭდათ, დავეხმაროთ აღდგენასა და მოწესრიგებაში

გურამიშვილის გამზირზე, საცხოვრებლ კორპუსში აფეთქების შედეგად დაზარალებული მოსახლეობის საცხოვრებელი ფართებით უზრუნველყოფა მიმდინარეობს. ისინი სხვადასხვა სასტუმროებში არიან გადაყვანილი. დაზარალებული მოქალაქეები დედაქალაქის მერმა კახა კალაძემ მოინახულა და ვითარებას გაეცნო.

კალაძის თქმით, ისინი თავიანთ საცხოვრებელ კორპუსში დაბრუნდებიან მას შემდეგ, რაც ექსპერტიზის პასუხები იქნება.

„როგორც კი მოგვეცემა შესაძლებლობა ჩვენი სამსახურები შევლენ და დაიწყებენ დასუფთავებას, მოწესრიგებას, აღდგენით სამუშაოებს. როგორც კი ლაბორატორია და სამხარაულის ექსპერტიზის ბიურო გვეტყვის კონკრეტულ ადგილებს, სადაც შესაძლებელია შესვლა და საფრთხეს არ წარმოადგენს, დავიწყებთ ამ ადამიანების გადაყვანას თავიანთ საცხოვრებლებში. დედაქალაქის მერია და გამგეობა ყველაფერს გავაკეთებთ იმისთვის, რომ ამ ადამიანებს რაც დაუზიანდათ და გაუფუჭდათ, დავეხმაროთ აღდგენასა და მოწესრიგებაში”,- განაცხადა კალაძემ.

დედაქალაქის მერის განცხადებით, ეკონომიკის სამინისტრომ და “თბილისი ენერჯიმ” დაიწყეს გამკაცრებული შემოწმებები და კონტროლი, თუმცა “არის შემთხვევები, როდესაც მოქალაქეები მათ კარს არ უღებენ”.

„ეს ყველაფერი კეთდება ისევ ჩვენი უსაფრთხოებისთვის. ერთი შეცდომით შეიძლება გავაუბედუროთ ძალიან ბევრი ადამიანი და ოჯახი, რაც უმძიმესია, ამიტომ რიგით მოქალაქეებს, ჩვენ, ადამიანებს გვმართებს დიდი ყურადღება და მომთხოვნები უნდა ვიყოთ ერთმანეთის მიმართ”,- განაცხადა კალაძემ.

იხილეთ ვიდეო

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის