„საკმაოდ ამომწურავი და დეტალური ინფორმაცია მივიღეთ სხვადასხვა სკითხთან დაკავშირებით, რომელიც დაისვა ნდობის ჯგუფში“, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებს განუცხადა.

მან მედიასთან ისაუბრა პარლამენტის ნდობის ჯგუფის სხდომაზე განხილული საკითხების შესახებ.

„დღეს ნდობის ჯგუფის ფარგლებში მოვუსმინეთ შს მინისტრს ვახტანგ გომელაურს. ჩვენ მოვისმინეთ სახელმწიფო საიდუმლოებასთან, შესყიდვებთან დაკავშირებული, ასევე, ბიუჯეტში გათვალისწინებული საკითხები, რომელიც უკავშირდება სახელმწიფო საიდუმლოებას და სახელმწიფო შესყიდვებს. ასევე, საკმაოდ ამომწურავი და დეტალური ინფორმაცია მივიღეთ სხვადასხვა სკითხთან დაკავშირებით, რომელიც დაისვა ნდობის ჯგუფში. სამწუხაროდ, ჩვენ დეტალებზე ვერ ვისაუბრებთ, ვინაიდან ეს შეეხებოდა სახელმწიფო საიდუმლოების შემცველ შესყიდვებს და სხვა ისეთ მნიშვნელოვან საკითხებს, რომლებზეც საჯაროდ ვერ ვსაუბრობთ“, - განაცხადა ოხანაშვილმა.