აშშ-ის თავდაცვის მინისტრი მაიკ ესპერი აცხადებს, რომ შეერთებული შტატები სირიიდან გამოყვანილი ჯარისკაცების დასავლეთ ერაყში გაგზავნას გეგმავს, - ამის შესახებ ინფორმაციას „როიტერსი“ ავრცელებს.
„ამჟამად არსებული გეგმის თანახმად, ეს ძალები დასავლეთ ერაყში განლაგდებიან და მათი მისია ერაყის დაცვასა და „ისლამური სახელმწიფოს“ წინააღმდეგ ოპერაციაში მონაწილეობა იქნება", - განაცხადა ესპერმა.
მისივე თქმით, ჩრდილოეთ-აღმოსავლეთ სირიიდან ჯარის გამოყვანის პროცესი დაწყებულია და მისი განხორციელებისთვის რამდენიმე კვირაა საჭირო.
აშშ-ის თავდაცვის მინისტრმა აღნიშნა, რომ ეს არის ამჟამად არსებული გეგმა, რომელიც სიტუაციის ცვლილების შემთხვევაში, შესაძლოა, შეიცვალოს.
შეგახსენებთ, რომ ჩრდილოეთ სირიიდან აშშ-ს 1 000-მდე ჯარისკაცი გამოჰყავს.