დიდი ბრიტანეთის მთავრობა ირწმუნება, რომ ქვეყანა ევროკავშირს 31 ოქტომბერს დატოვებს

დიდი ბრიტანეთის მთავრობა ირწმუნება, რომ ქვეყანა ევროკავშირს 31 ოქტომბერს დატოვებს, - ამის შესახებ ინფორმაციას „როიტერსი“ ავრცელებს.

„ვაპირებთ, 31 ოქტომბერს დატოვებას. ამისთვის ყველანაირი საშუალება და უნარი გვაქვს,“ - განაცხადა მინისტრმა მაიკლ გოვემ, რომელიც „ბრექსითის“ შეთანხმების გარეშე განხორციელების მომზადებაზეა პასუხისმგებელი.

მისი განმარტებით, დიდი ბრიტანეთის პრემიერ- მინისტრმა „ბრექსითის“ გადადების თხოვნის წერილი ევროკავშირს იმის გამო გადაუგზავნა, რომ ეს მას პარლამენტმა სთხოვა.

„მაგრამ პარლამენტს პრემიერ -მინისტრის აზრის შეცვლა არ შეუძლია, პარლამენტი ვერც მთავრობის პოლიტიკასა და დადგენილებას შეცვლის,“ -განაცხადა გოვემ.

შაბათს ბრიტანეთის თემთა პალატამ „ბრექსითის“ გადავადებას დაუჭირა მხარი. დეპუტატ ოლივერ ლეტვინის მიერ შეტანილი ცვლილების სასარგებლოდ ხმა 322-მა დეპუტატმა მისცა, წინააღმდეგი კი 306 იყო. ბორის ჯონსონს კანონი ავალდებულებდა, რომ ევროკავშირისთვის გადავადების შესახებ თხოვნა იმ დღესვე, ბრიტანეთის დროით 23:00 საათამდე გადაეგზავნა.

ჯონსონმა ბრიუსელს „ბრექსითის“ გადავადების თხოვნით წერილი გადაუგზავნა, თუმცა ხელმოწერის გარეშე. თხოვნას თან ერთვოდა მეორე, ჯონსონის მიერ ხელმოწერილი წერილი, სადაც ნათქვამი იყო, რომ „ბრექსითის“ გადადება დიდი შეცდომა იქნება.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით