ნიკა მელია მის საქმესთან დაკავშირებულ პროცესს არ დაესწრება

"ნაციონალური მოძრაობის" ერთ-ერთი ლიდერი ნიკა მელია თბილისის საქალაქო სასამართლოში მისი საქმის არსებით განხილვასთან დაკავშირებულ პროცესს არ დაესწრება,- ამის შესახებ "ინტერპრესნიუსს" ნიკა მელიას ადვოკატმა გიორგი კონდახაშვილმა განუცხადა.

როგორც ცნობილია, წინასასამართლო პროცესზე მოსამართლემ არ დააკმაყოფილა ნიკა მელიას ადვოკატის შუამდგომლობა, რომელიც ეხებოდა მელიასთვის შეფარდებული აღკვეთის ღონისძიების გაუქმებას ან ალტერნატიული სახის აღკვეთის ღონისძიების- პირადი თავდებობის გამოყენებას. ნიკა მელიას ფრაქცია "ნაციონალური მოძრაობის" 6 დეპუტატი უდგებოდა თავდებში.

ამასთან, წინა სასამართლოს სხდომაზე ნიკა მელიასა და მოსამართლე გიორგი კერატიშვილს შორის სიტყვიერ დაპირისპირებასაც ჰქონდა ადგილი, რის შემდეგაც ბრალდებული დეპუტატი მოსამართლემ სხდომათა დარბაზიდან გააძევა.

სასამართლოს გადაწყვეტილებით, ნიკა მელიას კვლავ რჩება ყველა სახის აღკვეთის ღონისძიება, მათ შორის, ელექტრონული სამაჯურის ტარების ვალდებულებაც.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს