წერილი პროკურატურას გადასცეს, მეორე მხარე, რასაკვირველია, თავის არგუმენტებს წარადგენს და არის რეალობა, რომელზეც საბოლოო ვერდიქტი ჯერ გამოძიებამ უნდა თქვას და შემდეგ თუ საჭირო იქნება განხილვა გაგრძელდეს,- ამის შესახებ საპარლამენტო უმრავლესობის ლიდერმა გიორგი ვოლსკიმ მედიასთან განაცხადა, რითაც “თიბისი ბანკის” დამფუძნებლის მამუკა ხაზარაძის მიერ “მუქარის წერილის” დედანის პროკურატურისთვის გადაცემას გამოეხმაურა.

კითხვაზე, რამდენად არის შესაძლებელი, დღევანდელი პროკურატურის პირობებში, როდესაც უწყების მიმართ შენიშვნები ისმის, რომ პოლიტიზირებულია, ვოლკსი პასუხობს, რომ „ჩვენი საინფორმაციო ველი ზედმეტი პოლიტიკური ტვირთისგან დაზიანებულია, ხან სუბიექტურად, ხან - ობიექტურად ”.

“ეს პოლიტიკა სულ იქნება, მაგრამ რეალობას ვერავინ დამალავს. გამოძიება თავის სიტყვას იტყვის”,-აცხადებს გიორგი ვოლკსი.

ცნობისთვის, „თიბისი ბანკის“ დამფუძნებელმა მამუკა ხაზარაძემ გენერალურ პროკურატურაში დღეს „მუქარის წერილის“ დედანი ჩააბარა.