გიორგი მშვენიერაძე - მე რომ ვყოფილიყავი პარლამენტის წევრი, მოსამართლეობის უკვე წარმოდგენილი 10 კანდიდატიდან, მაქსიმუმ ორს დავუჭერდი მხარს

მე რომ ვყოფილიყავი პარლამენტის წევრი, უზენაესი სასამართლოს მოსამართლეობის უკვე წარმოდგენილი 10 კანდიდატიდან, მაქსიმუმ ორ კანდიდატს დავუჭერდი მხარს,-ამის შესახებ გიორგი მშვენიერაძემ ჟურნალისტებს განუცხდა, რითაც ის საქართველოს პარლამენტში უზენაესი სასამართლოს მოსამართლეობის კანდიდატების მოსმენის პროცესს გამოეხმაურა.

მშვენიერაძეს არ დაუსახელებია თუ ვინ არის ის ორი პირი, ვისაც ის მხარს უჭერს. მისი თქმით, გასაუბრების პროცესმა აჩვენა, რომ დღეს მოსამართლის ან სხვა თანამდებობას, ბევრი ისეთი ადამიანი იკავებს, რომლებიც სამართლის მარტივ პრინციპებში ვერ ერკვევა და არ აქვს წარმოდგენა.

„დღეს უკვე გადავლახეთ გასაუბრების ზღვარი, ნახევარზე მეტს უკვე მოვუსმინეთ. აქამდე, რაც გასაუბრება ჩატარდა, შეგვიძლია ვთქვათ, რომ არიან კანდიდატები, რომლებსაც მინიმუმ ფორმალური პრობლემები აქვთ, რომ იყვნენ კანდიდატები. ეს ეხება მათი ცოდნის დამადასტურებელ დოკუმენტებს, დიპლომებს და ეს იყო , როგორც გენერალური პროკურორის, ასევე მოქმედ საკონსტიტუციო სასამართლოს თავმჯდომარესთან დაკავშირებით. უცნაურია, რომ საბჭომ ეს კანდიდატები ასეთი დოკუმენტებით პარლამენტში წარმოადგინა, ეს რაღაცაზე მიანიშნებს. ასევე არის კომპეტენციის მნიშვნელოვანი პრობელემები, - განაცხადა მშვენიერაძემ.

ცნობისთვის, იურიდიულ საკითხთა კომიტეტზე უზენაესი სასამართლოს მოსამართლეობის მსურველ 10 კანდიდატს უკვე მოუსმინეს. დღეს კი რიგით მე-11 კანდიდატთან, ლევან მიქაბერიძესთან მიმდინარეობს გასაუბრება.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის