20-21 ივნისის აქციის საქმეზე დაკავებულმა ერთ-ერთმა ბრალდებულმა ილია მემარნიშვილმა წარდგენილი ბრალი აღიარა

20-21 ივნისის აქციის საქმეზე დაკავებულმა ერთ-ერთმა ბრალდებულმა, ილია მემარნიშვილმა წარდგენილი ბრალი აღიარა, - ამის შესახებ ბრალდებულის ადვოკატმა ალექსანდრე მუკბანიანმა სხდომის დასრულების შემდეგ ჟურნალისტებს განუცხადა.

ადვოკატის თქმით, სასამართლოს შუამდგომლობით მიმართა, რათა ცალკე წარმოებად გამოიყოს მემარნიშვილის სისხლის სამართლის საქმე.

„დღეს ბრალდებულის სურვილი და პოზიცია ასეთი იყო.შესაბამისად, შუამდგომლობით მივმართე სასამართლოს, რომ ჩემი დაცვის ქვეშ მყოფმა, ფაქტობრივად, აღიარა მის მიერ ჩადენილი დანაშაული და მტკიცებულებები უდავოდ გახადა", - განაცხადა ალექსანდერე მუკბანიანმა.

ასევე, 20-21 ივნისის აქციის საქმეზე კიდევ ერთი ბრალდებულის, ბეჟან ლორთქიფანიძის ადვოკატის, ბექა ბასილაიას განცხადებით, მკაფიოდ ჩანს, რომ „მთელი ეს პროცესები ემსახურება გიორგი გახარიას მიერ ჩადენილი დანაშაულის გადაფარვას".

როგორც სხდომის დასრულების შემდეგ ადვოკატმა ჟურნალისტებს განუცხადა, დღევანდელმა სასამართლო პროცესმაც აჩვენა, რომ დაწყებული გამოძიება ფარსია.

„რეალურად, დღევანდელმა პროცესმა აჩვენა, რომ პროკურატურაში თითქოსდა მიმდინარე გამოძიება, პოლიციელების მხრიდან ძალის გადამეტებაზე, არის „ბლეფი". შსს-ს ჰაბიტოსკოპური ექსპერტიზის განყოფილების წარმომადგენელებმა დაადასტურეს, რომ არც ერთი პოლიციელის მიმართ არ უწარმოებიათ კვლევა. შესაბამისად, თადუმაძის განცხადებები ტყუილია, რომ იდენტიფიკაცია რთულია. არც მიუმართავთ კვლევისთვის, რათა გამოეკვლიათ, რომელმა პოლიციელმა რა დანაშაულებრივი მოქმედება განახორციელა გიორგი გახარიას დანაშაულებრივი ბრძანების შესაბამისად. ამას გაესვა დღეს ხაზი.

რაც შეეხება აღიარებით ნაწილს, ვხედავთ ტენდენციას, რომ ადამიანებს, ვინც ტყვეობაში ჰყავთ, მათ ევაჭრებიან, მძიმე პირობებს უქმნიან იმისთვის, რომ მათგან აღიარება მიიღონ“, - განაცხადა ბასილაიამ.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო