„ფეისბუქი“ რუსეთში დაფუძნებულ მთელ რიგ ინსტაგრამის ანგარიშებს აჩერებს, რომელიც ე.წ. „ტროლების ქარხანას“ უკავშირდება

„ფეისბუქის“ ინფორმაციით, კომპანიამ შეაჩერა რუსეთში მოქმედი ინსტაგრამის მთელი რიგი ანგარიშები, რომელთა ოპერატორებიც თავს ასაღებდნენ როგორც შეერთებული შტატების მოქალაქეები და ცდილობდნენ პოლიტიკური მესიჯებით გავლენა მოეხდინათ ამერიკის მომავალი წლის საპრეზიდენტო არჩევნებზე.

სოციალური მედიის გიგანტის ინფორმაციით, მან ასევე შეაჩერა სამი ცალკეული ქსელი ირანიდან, რომელშიც „გარკვეული კავშირები იკვეთებოდა რუსეთის ინტერნეტ-კვლევის სააგენტოსთან“.

ცნობისთვის, სააგენტო სანკტ-პეტერბურგში დაფუძნებული ორგანიზაციაა, რომელიც „ტროლების ქარხნის“ სახელით არის ცნობილი. ამერიკელი ექსპერტების თქმით, ქარხანა კრემლთან დაახლოებულ ბიზნესმენს, ევგენი პრიგოჟინს ეკუთვნის, რომელსაც გარკვეულ წრეებში „პუტინის შეფად“ მოიხსენიებენ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს