ბატონი მიქაუტაძე “კლანის” ერთ-ერთი ხელმძღვანელია, კითხვები იქნება 10-კაციან სიასთან დაკავშირებით, რომელშიც თავი შეიყვანა და ასე ურცხვად წარუდგინა საზოგადოებას, - ამის შესახებ “ევროპული საქართველოს” წევრმა ირაკლი აბესაძემ მედიას განუცხადა, რითაც ის პარლამენტში უზენაესი სასამართლოს მოსამართლეობის კანდიდატ გიორგი მიქაუტაძის მოსმენას გამოეხმაურა.

ირაკლი აბესაძის თქმით, კითხვები შეეხება სასამართლო სისტემაში შექმნილ კრიზისს, რომელიც სისტემას ნდობას უკარგავს.

„გიორგი მიქაუტაძემ სასამართლო სისტემაში შექმნა უმწვავესი კრიზისი, რომელსაც საზოგადოებაც კარგად ხედავს და აფასებს. რა თქმა უნდა, ყველა შეკითხვა, რომელიც ამის დამადასტურებელია და მტკიცებულება დასმული იქნება, მათ შორის კითხვები იქნება 10- კაციან სიასთან დაკავშირებით, რომელშიც თავი შეიყვანა და ასე ურცხვად წარუდგინა საზოგადოებას. კითხვები გვექნება მოსამარათლეების დანიშვნის პროცესურებთან დაკავშირებით, რომელიც ხშირ შემთხვევაში მიკერძოებულად მიმდინარეობს”,-განაცხადა აბესაძემ.