გიგა ბოკერია გიორგი მიქაუტაძეს - თქვენ მხოლოდ ორი რეკომენდატორი წარმოადგინეთ, მე-3 ვერ იპოვეთ? თუ ეს ასეა, მითხარით და შევალ თქვენ მდგომარეობაში

ჩემი გაგებით ეს არის ფეხებზე დაკიდება თქვენივე ორგანოს მიერ მიღებული წესის, - ამ სიტყვებით მიმართა დეპუტატმა გიგა ბოკერიამ უზენაესი სასამართლოს მოსამართლეობის კანდიდატს გიორგი მიქაუტაძეს და დაინტერესდა, თუ რატომ წარადგინა მხოლოდ ორი რეკომენდაცია, როდესაც საბჭოს მიერ მოთხოვნილი იყო სამი რეკომენდატორის წერილის წარდგენა.

„თქვენ ეს წესი დაარღვიეთ და მხოლოდ ორი რეკომენდატორი წარმოადგინეთ, ახლა მითხარით რატომ მოიქეცით ასე - ვერ იპოვეთ მესამე რეკომენდატორი? თუ ეს ასეა მითხარით და შევალ თქვენ მდგომარეობაში, აქ ერთი კანდიდატი გვყავდა ლექტორის გვარი ვერ დაასახელა, ასე რომ არ გამიკვირდება თუ თქვენ იტყვით რომ მესამე რეკომენდატორი ვერ იპოვეთ, ან უკაცრავად სლენგისთვის თქვენ ფეხებზე დაიკიდეთ დადგენილი წესი, იმიტომ რომ იცოდით, რომ მაინც გაგივიდოდათ, ახლა მითხარით ამ ორიდან სწორი რომელია თუ არც ერთი“, - მიმართა ბოკერიამ მიქაუტაძეს, რაზეც მიქაუტაძემ უპასუხა, რომ არც ერთი ვერსია იყო სწორი.

„საქართველოს კონსტიტუცია განსაზღვრავს, რომ საკვალიფიკაციო მოთხოვნებს ადგენს ორგანული კანონი, ორგანულ კანონში რეკომენდატორს საერთოდ ვერ ამოიკითხავთ, როდესაც სხდომაზე ფორმებს ვამტკიცებდით მე მქონდა წინადადება, რომ კანდიდატის მიერ რეკომენდატორის მითითება საერთოდ ამოგვეღო ამ სიიდან“, - განაცხადა მიქაუტაძემ.

რაზეც ბოკერიამ უპასუხა რომ ეს პასუხი მისთვის მიუღებელია.

„თქვენი შეხედულება გავიგე, თუმცა მე მარტივს გეკითხებით, საბჭომ დაადგინა ეს წესი, მე არ გეკითებით სწორი იყო ეს, არასწორი იყო, 2 რეკომენდატორი იყო საჭირო ხუთი თუ შვიდი. ჩემი გაგებით, ეს არის ფეხებზე დაკიდება თქვენივე ორგანოს მიერ მიღებული წესის“, - განაცხადა ბოკერიამ.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა