"ანაკლიის განვითარების კონსორციუმის" გენერალური დირექტორი - ულტიმატუმის ენა მიუღებელია და არავის არ წაადგება,  არც მთავრობას და არც ანაკლიის პროექტს

ულტიმატუმის ენა მიუღებელია და არავის არ წაადგება. არც თვითონ მთავრობას და არც ანაკლიის პროექტს, - ამის შესახებ "ანაკლიის განვითარების კონსორციუმის" გენერალური დირექტორმა ლევან ახვლედიანმა ჟურნალისტებს განუცხადა.

როგორც ახვლედიანი აცხადებს, ულტიმატუმის ენით საუბარი კონკრეტულ დამოკიდებულებებს გაუსვამს ხაზს. ახვლედიანის თქმით, პროექტს სჭირდება მთავრობის მხარდაჭერა, ინვესტორების დაპატიჟება და ბანკების მიერ წამოყენებული მოთხოვნების გადაჭრა.

"თუ ეს საკითხები გადაიჭრება, ჩვენ, ანაკლიის განვითარების კონსორციუმი ვიღებთ ვალდებულებას, რომ პროექტს შევკრავთ და ბოლომდე მივიყვანთ. არის კონკრეტული საკითხები და დაბრკოლებები, რომლებიც გადასაჭრელია და მხოლოდ "ანაკლიის განვითარების კონსორციუმი“ ვერ გადაჭრის. საჭიროა მთავრობასთან ერთად ერთობლივი მუშაობა და მთავრობის მხრიდან ამ პასუხისმგებლობის არიდება სწორად არ მიმაჩნია. უკვე არის საუბრები შეხვედრასთან დაკავშირებით, ვიმედოვნებ, რომ იქნება კონსტრუქციული შეხვედრები და მოვახერხებთ კონკრეტული საკითხების გადაჭრას,"-აღნიშნა ახვლედიანმა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს