გენადი არველაძე - ქვეყანაში გაცილებით მეტი საერთაშორისო მცირე და საშუალო საწარმოები გვჭირდება, რათა უფრო მეტი ექსპორტი განვახორციელოთ

თბილისში მიმდინარე აბრეშუმის გზის რიგით მესამე ფორუმის ვაჭრობის პანელზე მოხსენებით გამოსვლისას, საქართველოს ეკონომიკისა და მდგრადი განვითარების მინისტრის მოადგილემ, გენადი არველაძემ საერთაშორისო ვაჭრობასა და მცირე და საშუალო მეწარმეობის განვითარების შესაძლებლობებზე ისაუბრა.

თავის სიტყვაში, მინისტრის მოადგილემ გლობალიზაციის პროცესთან დაკავშირებულ გამოწვევებზე გაამახვილა ყურადღება და ამ კუთხით, მცირე და საშუალო საწარმოების ხელშემწყობ რეფორმებსა და სახელმწიფო პროგრამებზე ისაუბრა.

„საერთაშორისო ვაჭრობა ბიძგს აძლევს კერძო სექტორს განავითარონ ბიზნესები და ქვეყნებს - განავითარონ საკუთარი ეკონომიკა. საერთაშორისო ვაჭრობა ხდება კიდევ უფრო მნიშვნელოვანი, იქიდან გამომდინარე, რომ მიმდინარეობს გლობალიზაციის პროცესები. მანძილები არ არის ბარიერი ქვეყნებს შორის ვაჭრობისათვის, ჩვენ ვვაჭრობთ მსოფლიოსთან და შესაბამისად, შესაძლებლობები რეალურად ამოუწურავია. ქვეყნისთვის, როგორიც საქართველოა, მცირე ეკონომიკისთვის, ერთადერთი არჩევანი, რომელიც გვაქვს და ჩვენ ამ კუთხით უნდა ვიმოქმედოთ, არის ჩვენი ინტეგრირება მსოფლიო ეკონომიკაში. ამ მხრივ, მნიშვნელოვანი როლი ეკისრება მცირე და საშუალო საწარმოებს. გვაქვს კარგი განვითარების მიმართულებები მცირე და საშუალო საწარმოებში, არსებობს სახელმწიფო პროგრამები, ინიციატივები, რომლებსაც ჩვენ უზრუნველვყოფთ, როგორც მთავრობა, რათა მოხდეს მათი ინტეგრირება საერთაშორისო ვაჭრობაში, განვითარდნენ, გაიზარდონ და მოიტანონ უფრო მეტი ვაჭრობის მაჩვენებლები. საქართველოს მთავრობა ცდილობს, რომ მცირე და საშუალო საწარმოები უფრო საერთაშორისო გახდნენ. ქვეყანაში გაცილებით უფრო მეტი საერთაშორისო მცირე და საშუალო საწარმოები გვჭირდება, რათა უფრო მეტი ექსპორტი განვახორციელოთ. როდესაც გახდებიან საერთაშორისო, შეძლებენ მოიპოვონ პარტნიორები საერთაშორისო ბაზარზე და გაყიდონ თავიანთი პროდუქტი, იქნებიან ხარისხთან და ფასთან დაკავშირებით კონკურენტუნარიანები. საქართველო არის ის ადგილი სადაც ვთავაზობთ ყველაზე დაბალ საგადასახადო მაჩვენებლებს და ამიტომ საქართველო იყო და არის მიმზიდველი საერთაშორისო მოთამაშეებისთვის, რათა აწარმოონ საქართველოში“, - განაცხადა გენადი არველაძემ.

მინისტრის მოადგილემ საერთაშორისო ინვესტიციების მოზიდვის მნიშვნელობაზე ისაუბრა და ბაზრის ლიბერალიზაციის კუთხით განხორციელებულ ღონისძიებებზე გაამახვილა ყურადღება. როგორც გენადი არველაძემ აღნიშნა, თავისუფალი ვაჭრობის ხელშეკრულებები, რომელიც ქვეყანამ გააფორმა, იზიდავს ინვესტიციებს დიდი ეკონომიკებიდან.

„საქართველოს გააჩნია ლიბერალური ეკონომიკა მსოფლიოში და ჩვენ ვამაყობთ ამით. ჩვენ ხელი მოვაწერეთ ევროკავშირთან ხელშეკრულებას და ამავე დროს გვაქვს ხელშეკრულება ხელმოწერილი ჩინეთის სახალხო რესპუბლიკასთან და ეს მნიშვნელოვანია, იმიტომ რომ ეს იზიდავს ინვესტიციებს დიდი ეკონომიკებიდან“, - აღნიშნა არველაძემ.

აღნიშნულ ინფორმაციას ეკონომიკისა და მდგრადი განვითარების სამინისტრო ავრცელებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება