პარტია „თავისუფალი საქართველო“ მიიჩნევს, რომ უზენაესი სასამართლოს მოსამართლეობის კანდიდატის, გიორგი მიქაუტაძის კანდიდატურა „არის ერთ-ერთი ყველაზე სამარცხვინო წარმოდგენილ უზენაესი სასამართლოს კანდიდატების სიაში“.
როგორც „თავისუფალი საქართველოს“ მიერ გავრცელებულ ინფორმაციაშია აღნიშნული, „სამარცხვინოა, რომ „ქართული ოცნების“ ხელისუფლებაში მოსვლიდან 7 წლის შემდეგ, საუბარი მიდის არა მიქაუტაძის პასუხისგებაში მიცემაზე, არამედ მის დაწინაურებაზე“.
„თავისუფალი საქართველო“ პარლამენტის წევრებს მოუწოდებს, არ დაუჭირონ მხარი მიქაუტაძის კანდიდატურას.
„პარლამენტი განიხილავს უზენაესი სასამართლოს მოსამართლედ გიორგი მიქაუტაძის არჩევის საკითხს. პარტია „თავისუფალი საქართველო“ მიიჩნევს, რომ მიქაუტაძის კანდიდატურა არის ერთ-ერთი ყველაზე სამარცხვინო წარმოდგენილ სიაში. საზოგადოებას შევახსენებთ, რომ საუბარია პირზე, რომელიც წლების მანძილზე ზურაბ ადეიშვილის დაკვეთების შემსრულებელი იყო და მონაწილეობა აქვს მიღებული არაერთ დანაშაულში.
სამარცხვინოა, რომ „ქართული ოცნების“ ხელისუფლებაში მოსვლიდან 7 წლის შემდეგ, საუბარი მიდის არა მიქაუტაძის პასუხისგებაში მიცემაზე, არამედ მის დაწინაურებაზე, რაც სასამართლო სისტემის საბოლოო დასამარება იქნება“, - აღნიშნულია პარტიის მიერ გავრცელებულ განცხადებაში.