გორის რაიონულ სასამართლოში, კასპში 7 თვის ჩვილის მკვლელობაში მსჯავრდებული არასრულწლოვნის მეუღლის, მიხეილ დვალიშვილის, სასამართლო პროცესი დაიხურა. აღნიშნული შუამდგომლობა ბრალდების მხარემ დააყენა და მოსამართლე შალვა კაკაურიძემ, იქიდან გამომდინარე, რომ საქმე არასრულწლოვნს ეხება, სრულად დააკმაყოფილა.

შეგახსენებთ, რომ მიხეილ დვალიშვილს ბრალი სისხლის სამართლის კოდექსის 11 პრიმა, 140-ე მუხლის პირველი ნაწილით წარედგინა, რაც გულისხმობს სრულწლოვნის სექსუალური ხასიათის შეღწევას დამნაშავისათვის წინასწარი შეცნობით თექვსმეტი წლის ასაკს მიუღწევლის სხეულში.