თურქეთის თავდაცვის სამინისტრო - ჩრდილოეთ სირიაში ახალი ოპერაციის დაწყების საჭიროება არ არსებობს

თურქეთი აცხადებს, რომ ამ ეტაპზე ჩრდილოეთ სირიაში, ამჟამინდელი ოპერაციის არეალის მიღმა, ახალი ოპერაციის განხორციელების საჭიროება არ არსებობს, - ამის შესახებ ინფორმაციას თურქული მედია ავრცელებს.

ქვეყნის თავდაცვის სამინისტრომ დღეს დილით განცხადება გაავრცელა, სადაც აღნიშნულია, რომ როგორც ვაშინგტონმა ანკარას აცნობა, ქურთი მებრძოლების „უსაფრთხო ზონიდან“ გასვლის პროცესი, რასაც ანკარა ითხოვდა, დასრულებულია.

„რეგიონში მშვიდობის კორიდორის შექმნით ჩვენი დევნილი სირიელი ძმები და დები უსაფრთხოდ დაუბრუნდებიან თავიანთ სახლებსა და მიწებს,“- აღნიშნულია განცხადებაში.

9 ოქტომბერს თურქეთმა სირიაში სამხედრო ოპერაცია „მშვიდობის წყარო“ დაიწყო. ანკარას მტკიცებით, ოპერაციის ერთ-ერთი მთავარი მიზანი „უსაფრთხო ზონის“ შექმნა და მილიონობით სირიელი დევნილის საკუთარ სახლებში დაბრუნებაა. თურქეთის პრეზიდენტის აშშ-ის ვიცე-პრეზიდენტთან და სახელმწიფო მდივანთან შეხვედრის შემდეგ ანკარამ ოპერაცია დროებით შეწყვიტა. ქურთულ ძალებს 120 საათი მისცეს იმ ტერიტორიის დასატოვებლად, სადაც თურქეთი „უსაფრთხო ზონის“ მოწყობას გეგმავს. აღნიშნული ვადა კი სამშაბათს ამოიწურა.

იხილეთ ვიდეო: თურქეთის თავდაცვის სამინისტრო - ჩრდილოეთ სირიაში ახალი ოპერაციის დაწყების საჭიროება არ არსებობს

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით