ევროკომისიამ ხორვატიის შენგენის ზონაში შესვლას მხარი დაუჭირა

ხორვატიის შენგენის ზონაში შესვლას ევროკომისია მხარს უჭერს, - ამის შესახებ ინფორმაციას „როიტერსი“ ავრცელებს.

„ხორვატიამ ყველა ზომა მიიღო იმ პირობების შესასრულებლად, რაც შენგენის ზონაში შესვლისთვისაა საჭირო, - განაცხადა ევროკომისარმა მიგრაციის საკითხებში დიმიტრის ავრამოპულოსმა.

ევროკომისიის მიერ გაცემულ რეკომენდაციაში ნათქვამია, რომ ხორვატიას ამ მიმართულებით მუშაობის გაგრძელება მოუწევს, რათა აღნიშნული პირობები მომავალშიც შენარჩუნდეს, განსაკუთრებით ეს ეხება გარე საზღვრების მართვის საკითხს.

ხორვატია ევროკავშირის წევრი 2013 წელს გახდა, თუმცა მანამ, სანამ მას შენგენის ზონაში შესვლის ნებართვას მისცემდნენ, ხორვატიას ბრიუსელისთვის უნდა დაემტკიცებინა, რომ ევროკავშირის გარე საზღვრების ეფექტურად მართვა შეუძლია, რაც მიგრანტთა კრიზისის გამო განსაკუთრებულად სენსიტიურ საკითხად ითვლება.

შენგენის ზონა ევროკავშირის 28 წევრი სახელმწიფოდან 22-ს და 4 არაწევრ სახელმწიფოს - ნორვეგიას, ისლანდიას, შვეიცარიასა და ლიხტენშტეინს - აერთიანებს. ევროკავშირის 6 სახელმწიფო : ხორვატია, ბრიტანეთი, ირლანდია, ბულგარეთი, რუმინეთი და კვიპროსი ჯერ-ჯერობით შენგენის ზონის წევრები არ არიან.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა