ბიზნესისა და ტექნოლოგიების უნივერსიტეტში ხელოვნური ინტელექტის ეროვნული სტრატეგიისთვის მასშტაბური კვლევა იწყება

თბილისის აბრეშუმის გზის ფორუმზე პანელური დისკუსია ,,ინოვაციებით გამოწვეული ზრდა - აბრეშუმის გზა ხელოვნურ ინტელექტთან ერთად’’ გაიმართა. დისკუსიაში დარგის მოწინავე წარმომადგენლები განიხილავდნენ აბრეშუმის გზის ქვეყნებში ხელოვნური ინტელექტის განვითარების პერსპექტივებს და გამოწვევებს. დისკუსიის მონაწილე ბიზნესისა და ტექნოლოგიების უნივერსიტეტიც იყო, რომლის რექტორმა, ნინო ენუქიძემ, ხელოვნური ინტელექტის ეროვნული სტრატეგიის შემუშავების მნიშვნელობის შესახებ ისაუბრა.

,,2017 წლიდან, როდესაც კანადამ პირველად შეიმუშავა ეროვნული სტრატეგია, მისი ეკონომიკური პარამეტრები მნიშვნელოვნად გაუმჯობესდა. ამ ინიციატივას მალე შეუერთდა მსოფლიოს სხვადასხვა მოწინავე ქვეყნები, რომელთაც განსაზღვრეს ის სტრატეგიული მიმართულებები, რომლის მხარდაჭერა და განვითარება ხელოვნური ინტელექტის გამოყენებით არის შესაძლებელი. თუ გავითვალისწინებთ, რომ 2030 წლის პროგნოზით, ხელოვნური ინტელექტი ჩაანაცვლებს მსოფლიოს 800 მილიონზე მეტ სამუშაო ადგილს, დავინახავთ, რამდენად მნიშვნელოვანია ქვეყნებმა სწრაფი რეაგირება მოახდინონ და გამოიყენონ ხელოვნური ინტელექტის სრული პოტენციალი.’’ - განაცხადა ნინო ენუქიძემ.

ხელოვნური ინტელექტის ეროვნული სტრატეგია გულისხმობს კვლევითი ინფრასტრუქტურის ფორმირებას, საკანონმდებლო ბაზის მომზადებას, საერთაშორისო პარტნიორობის გაღრმავებას, საგანმანათლებლო სისტემის ადაპტირებას ახალ სისტემებთან, ეკონომიკისთვის სტრატეგიული მნიშვნელობის სექტორების მხარდაჭერას ახალი ტექნოლოგიური გადაწყვეტილებებით და სამუშაო ძალის მომზადებას მე-4 ინდუსტრიული რევოლუციის ფარგლებში მიმდინარე ცვლილებებისთვის შრომის ბაზარზე. ამ პროცესის დაწყებისთვის მნიშვნელოვანია საგანმანათლებლო სისტემის ჩართულობა, კვლევების წარმოება და განვრცობა დაინტერესებულ თანასაზოგადოებასთან, რისი ინიციატივითაც ბიზნესისა და ტექნოლოგიების უნივერსიტეტი გამოვიდა. როგორც უნივერსიტეტში აცხადებენ, მოლაპარაკებების პროცესი, კვლევის პარალელურად უკვე დაწყებულია და პირველი შედეგები მალე გახდება ცნობილი.

ინიციატივის მნიშვნელობაზე ისაუბრეს პანელური დისკუსიის სხვა მონაწილეებმაც, მათ შორის კომპანია Microsoft-ის მმართველმა პარტნიორმა ხელოვნური ინტელექტის მიმართულებით იყო მარკო მანიმ და გაეროს ხელოვნური ინტელექტის და რობოტიკის ცენტრის ხელმძღვანელი ირაკლი ბერიძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!