ხის დარგვის საერთაშორისო დღესთან დაკავშირებით გარემოს დაცვისა და სოფლის მეურნეობის სამინისტრო CENN-თან ერთად, ავსტრიულ დელეგაციას კრწანისის ტყე-პარკში მასპინძლობდა.
ავსტრიის სოფლის მეურნეობის მინისტრმა მაქს ჰეიგელსბერგერმა, ავსტრიელ ჟურნალისტებთან, ბიზნეს სექტორის წარმომადგენლებთან და სკოლის მოსწავლეებთან ერთად, ტყეპარკში 60 ელდარის ფიჭვის ნერგი დარგო.
როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, ტერიტორიაზე გამაფრთხილებელი ნიშნები განთავსდა, რომელიც ტყეპარკს უკანონო საქმიანობებისგან დაიცავს.
უწყების ცნობითვე, ღონისძიების მიზანია ტყეპარკის, როგორც რეკრეაციული ზონისა და ბიომრავალფეროვნების ცხელი წერტილის ფიზიკური შენარჩუნება და განვითარება.